والله روعة.....

[الزعابي77]

جاني واحد و قال : بسأل كم سؤال,,
وقبل يسأل قلت : أنا ماني خبير !

قال: جاوب بس , يا ولد الحلال
وكل كلمه حِطَّهَا .. فبيتٍ صغير

قال نبدي : شنهو تعريف المُحال..؟
قلت :
خَل هالكلمهـ
فـ البيت الأخيـر ..!

القهــر : إن شفت دمعـات الرجال..
والوطن : ( إنسان ) .. مِتغيِّر كثير,,

والطفل : لعبه على شاطـي الرمال..
والأمل : إحساس في عين الضرير,,

الوفا : [ قلبين ] .. يجمَعهُم حلال..
والرَجُل : اللـي علـى أهلـه يغير,,

والرجا : لا قلت : للواطـي تعال..
والفشل : مدري .. ولكنـه مرير,,

والشعر : في وقتنا .. بدر وطلال..
زين وأوَّل : حيـل يعجبنـي جرير ..!

والغلا : إحساس إلى حَـد الخيال,,
والعِشِق : لا شفت مَعشُوقِك تطير..

والجفا : إعكس مفاهيم / الوصال,,
والوَصِل : يعنـي تأكَّـد فيك خير..

والعقل : تِسْفَـه أقاويـل الجهال,,
والجهل : إن قلت عن نفسك كبير..

والخطر : لا صار ما عندك مجال,,
والبلا : إن صرت معدوم الضمير..

والعجب : لا صرت تسأل منهو قال,,
والتعب : إن كنت تِبْحَثْ عن مصير..

الغنى : بالنفس ما هو راس مال,,
والفقر : من كان .. بأعماله فقير..

يكفي يكفي .. أسئله إنهي الجدال,,
ويالله علمني عَن .. السِّر الخطير..

ما أبي تضرب لي في غيرك مثال,,
قول : عنِّك وإعتبر سِرِّك في بير..

جات طعنـه مِن جنوبك والشمال,,
يعني وضعِك بين مِن حُولك خطير..

صاحبـي وإن ضاقت بعينك ليال,,
لك فرشت القلب مفروش الحرير..

في [ بلاد الحلم ].. ممنوع العقال,,
والمصيبه الشعب ما أختار الأمير..

وما ألومك .. كان شدِّيت الرحال..
دام بيتك جرح / وفراشك حصير,,

و هذا تعريفي إلى كلمة : مُحَال..
شي ودِّك فيه ولا يمكن يصير ..!

مِِِِِِِِِِِِِن

[patchena]

مشكله بعد الزعابي مواضيعك راقيه وحلوه بعد

[صدى الصمت]

[align=center]
رووووووووووووووعه

مشكور اخوي عالخاطرة الحلوة

وإن شاء الله دوم نشوف يديدك
[/align]

[الزعابي77]

يسلموا على المرور

[ياليت للحب قاضي]

ماآآآشاءاللـــــــهـ ابدعت خيوو بطرحك..!!^^!!

وربي يعطييك العافيـــــــــهـ..!!!

ولا تحرمنــــــــــآآآآآآآآ من جديدك دووم ..!!

دمت بود ..!!

[الزعابي77]

ياليت مرورج الأبداع

[حورية متدينة]

مشكور على الخاطره

[الزعابي77]

مشكورروة على المرور

[حروف ونقاط]

[align=center]القصيده من كلمات الشاعر أحمد الصانع
وتحمل الإسم (بلاد الحلم)


يعطيك العافيه أخوي الزعابي على طرحك للقصيده...
[/align]

[الزعابي77]

يسلمو على المرور