عسى غيمة سحاب الحب من الأفراح تسقينا..

[الأميرة الحسناء]

تتوه دروبنا وتبعد عن الغالي خطاوينا¤¤
وترسم ريشة الوحشه ملامح حب ذبلااانه..
نصارع وقتنا القاسي ونجامل من يواسينا!!
نقول بخير ومن داخل قلوب صدق وجلانه...
نبي نحبس حنين الشوق لو تكبر بلاوينا!!
عسى الأيام وإن طالت تروف بحال ولهاااانه...
عسى غيمة سحاب الحب من الأفراح تسقينا..
عساها تمطر على قلبين غيمة غيث عجلانه!!
وعسى نبض الشعور اللي يجمع مايخلينا..
عساه بحالنا يرأف ويختم باللقا اعلانه!!
شريك الروح لاتنسى امرك حيل يعنينا..
وشانك عندنا غالي ونعلي دوم من شانه!!
حبيبي لو يموت الحب ونكتب له تعازينا
بداخل قلبي العاشق تلاقي قبر جثمانه..
جمعته وبحذافيره لو إن الجمع يشقينا
لأجل اعطيه للغالي يضمه بين وجدانه..
¤~.~.~¤~.~.~¤


مع خالص الـــود ..


الأميرة الحسناء...

[سفير الغلا]

عسى الأيام وإن طالت تروف بحال ولهاااانه...
عسى غيمة سحاب الحب من الأفراح تسقينا..
عساها تمطر على قلبين غيمة غيث عجلانه!!

تسلمين اختي الاميرة الحسناء على الكلمات الرائعة..
يعطيج الف عافية..
دمتي بصحة وعافية..
تقبلي مروري./تحياتي.

[شمااا]

عسى الأيام وإن طالت تروف بحال ولهاااانه...
عسى غيمة سحاب الحب من الأفراح تسقينا..
عساها تمطر على قلبين غيمة غيث عجلانه!!
وعسى نبض الشعور اللي يجمع مايخلينا..
عساه بحالنا يرأف ويختم باللقا اعلانه!!
صح لسان قايلها وتسلم أنامل ناقلها

تقبلي مروري المتواضع ...~

[الأميرة الحسناء]

تشرفت بوجود مداد قلمك الرائع
اسعدني ذلك وبكل سرور ..
شكراً لك اخي على الرد الراقي ..
في امان الله وحفظه ...

[الأميرة الحسناء]

تشرفت بوجود مداد قلمج الراقي

لك مني كل الود..
في حفظ الرحمن دوماً..