[align=justify]ها ما يخصه في شمالي ولا جنوبي، ها انسان ما يخاف الله، أنا مب معرسة بس ربيعاتي المعرسات يوم وحدة منهم تشكي من هالشي غالبا يكون السبب منها، جوفي انا ما اقصدج بس انتي راجعي عمرج في هالأمور: اكتشفت أن الحرمة اذا كانت تبصبص وايد الله ما يبارك في علاقتها ويا ريلها... اللي تنمص حواجبها وتتكشف في الصوالين سبحان الله غالبا تتعب عشان ترضي هالشخص في معصية الخالق وبالتالي الله ما يبارك لها وياه وبدل ما ينعجب فيها ما تعود وايد تهمه وغيره وااااايد، واللي تتعطر وتطلع واللي تكشخ في الأسواق وتستانس يوم الشباب يتمنظرون فيها واللي مطيحة الميانة مع اللي وياها فالدوام واللي تعصي ريلها من وراه، واللي تترصص في العبي اللافتة، وغيره من المخالفات الشرعية،
فانتي راجعي عمرج واذا عندج شي غلط اتركيه بنية انج تتعففين لوجه الله مب عشان شيفة هالخاين...
وبخبرج معلومة وايد مهمة ريلج شو ما كان شمالي غربي ولا ظبياني شرقي خخخخ اذا يبا يخون ما بتغلبينه ولو قعدتي تفتشين وراه بتتعبين وايد وما بتوصلين لشي واذا كشفتيه وواجهتيه بيحصل شي من شيين اما بيتبجبج وبيحلف انه بيتغير أو بيقلب السالفة عليج و انتي ما بتستفيدين ولا شي، انتي قربي من ربج واشغلي وقتج بشي احسن منه لا تحسسينه انج ميتة عليه وما عندج شي اهم منه، وادعي ربج في السجود وعصر الجمعة وفي هالأيام المباركة أنه يصلحه ويهديه وحاولي تقربينه من الله صلوا القيام مع بعض اقروا قرءان مع بعض صوموا اثنين وخميس مع بعض، قوليله قصص عن ناس خانوا وعاقبة هالشي ، قوليله خلنا نقرب من الله عشان الله يجمعنا في الدنيا والآخرة، ذكريه بالأذكار، وبدل التفتيش والشك قولي يا رب اني استودعك قلب زوجي ، وادعي أن الله يثبته على الخير والهدى و يبعده عن الحرام . والله ان الدعاء اذا كان من القلب مصحوب بيقين بأن الله بيستجيب والله ثم والله أنه يستجاب واسأليني أنا 
والسموحة
[/align]
ام مريوومه أنــــــا مريوومة ... عشان مريوومة جاوبيني :(
رد مع اقتباس
