السلام عليكم ورحمه الله وبركاته
بسم الله الرحمن الرحيم

دكتورة بخصوص تقوية الشخصية ؟

كانت عندي مقابلة؟ وكنا 20 بنت و4 بس هن اللي انقبلن؟

وبعد التحقق من السبب بعدم قبولي؟

كان ان شي بنات شخصيتهم أقوى عن شخصيتي حق بيئة العمل وواثقين من نفسهم! واني أنا باردة !

...

عموما أنا ما انكر اني باردة وهاي صفة فيني.. وكنت مرتبكة فالمقابلة صح ومتوترة وايد لدرجة انهم قالوا عني اني مب واثقة من نفسي ! يعني استغفر الله داشة على ويوه اعوذ بالله لا ابتسامه ولا شي.. جنه مقابلة حق حرب .. !!

مع اني يوم كنت مسوية مقابلة قبلها بفترة ف مكان ثاني..
قالولي انتي واثقة من نفسج وهاي نقطة لصالحج !!
لاني صح كنت داشة بثقة نعم..
...










.. الحين ..
  • الوظيفة مب مشكلتي ..
  • و مب مشكلتي الكلام المتناقض اللي قالوه عني هالطرفين ..
لكن مشكلتي الحقيقية من وجهة نظري ..









...

مشكلتي .. ان أنا مزاجي يتأثر بالمكان اللي انا فيه ..

  • يوم قالوا عني واثقة من نفسج.. كنت داشة المقابلة مستانسة ومرتاحة لان اللي حولي حابينّي وارتاح لهم.. ويضحكوني و و و وبالعكس اكون واثقة وضحكتي وين واصلة واسولف واتمصخر وغيره..

  • ويوم قالوا عني اني مــش واثقة من نفسج .. كنت داخلة المقابلة وانا مزاجي معكر من البنات اللي قعدوا معايا قبل المقابلة .. ما ضروني مع احترامي لهم .. لكن القعدة مع ناس كلامها ونقاشها بمواضيع سخيفة اتييب لي المرض ! ويكون مالي نفس للكلام ولا للضحك واحط علامة (×) على كل شي !!
...









[mark=#000000]


ابى اتعلم منج .. كيف انا اللي اتحكم فالموقف .. مب الموقف هو اللي يتحكم فيني !! ..

وكيف أتخلص من ((هالبرود)) اللي فيني !!

ودكتورة يوم أكون مع اشخاص ما ارتاح لهم ولا اقدر ابلع سوالفهم.. وايد اتعب يوم أمثل لهم أني مثلهم .. مثلا استظرف مثلهم ويضحكون عادي ويندمجون معايا .. لكن عقب بيني وبين نفسي اقول اففف لي متى بجامل ولين متى بسوي شي انا من وجهة نظري اعتبره سخيف؟ يعني بس عشان ارضيهم ؟
علميني كيف ((أعشـــق)) الاندماج مع جميع الفئات ؟!!!


تعبت والله ...



[/mark]