ريوق يفتح النفس واطلاله حلوة على البحر اكيد بتكون في مطعم لينوتر (الكويت)
كنا معزومين على الريوق لتجربة الاطباق اليديدة في بوفيه ريوق لينوتر
وصلنا مبجر وكانوا مجهزين لنا طاولة مكانها وايد حلوو
بوفيه الريوق بالديكور اليديد
شوفوا ديكور البوفيه ً شلون كسروا الالوان بأحلى لون (الابيض) وايد راقي وهادي
اللي مجرب من قبل الريوق بلينوتر كانت اللبنه مدوره والحين سووها مبرومة ,, التغيير وايد حلو حتى لو بالشكل .. احب لبنتهم بالسماق حموضة اللبنه مع السماق لذيذة
شيش البطاط مع الزيتون وبيبي شيري توميتو
اجبان مختلفه
السويت بالبوفيه .. كيك الجوكليت يمي يمي
كيوي فريش مع احلى منظر
خبزهم احبه حااار وفريش
وكعادة الريوق في لينوتر 3 اطباق لذيذة تشوفونها على الطاولة بعد ماتختارون من البوفيه
الفلافل بالطحينه
الفول بطريقة لينوتر
النخي
انواع لذيذة جداً من البيض
اومليت الفطر والجبن .. اومليتهم شي ثاني لذيذذذ
انواع من الصاج من الفرن لي الطاولة .. بالحلوووم واللبنه بالزعتر
هني عاد صج صج شي ثاني الوافلز بالنوتيلا .. اكلوها وبتروحون عالم ثاني
اححح يوعت عمري الصراحه صج صج احلى ريووق
رد مع اقتباس