روح الاتحاد

[خليفة بن محمد]

عام و راء عام و عام وراء عام
وعام وراء عام على العز نبنيه
وعام وراء عام على دين لاسلام

هذا وطنا نعم وهذه مباديه
على نهج زايد وعلى نهج الاكرام
وعلى طريق الحق تبري مواريه
نسج بالاقدام ونطاول أقدام
والرجل منا مبعدات خطاويه
ماهمنا الموت ولوكان سقام
وماهمنا اللي ساق فينا مشاريه
على طريق العز والعز فرخام
والعز زايد والوفاء من مباديه
ذاك الرجل منا مثل فارس وضرغام
على الخطى يدحم جنوبه معاديه
في كل عام نفتخر فخر الاكرام
ونعيد عيداً عزته في سواريه
اثنين ديسمبر سنه نورالاحكام
تاريخ مسطر على قلوب محبيه
عيد على سبعه امارات تنقام
نعيد ذكرها على بيض الوجيه
حتى الكواكب كلها تزحم ازحام
تطرب لها كل النجوم الخواليه
كل الكواكب تحسد الارض بهيام
وتقول يحظ اللى ربى زايد فيه
والارض تفخر دام زايد لها اوسام
زايد وسام العز وطابت طواريه
حنا بظل خليفة ترانا في عز وهيام
وتتسابق الساعه وتتسابق خطاويه
عبرت والتعبير ما لزم بها الزام
يدي تكتب وذاك من فكري يباريه
ربي ومن ربي له الروح تنسام
لاجل الوطن والراس يبرى خلاويه
مهما كتبنا من قصايد على الخام
مهما بحور الشعر يابت حواريه
ما بنوفي للوطن لحظه قيام
قطرة مطر في بحر حلوة مباديه

شعر :- خليفة محمد عبدالله الحبسي .
77....jpg[/img]