للاستمآإع ..








قصيده حمدآن المحرمي بـ شآعر المليون ..




-


آه \\ ما كنّك البارح - من سنين غايب !
.. .. .. .. .. .. دون لا أشعر تماديت بغلاي و ذكرتك

كنت أرتب سواليفك بحضن السحايب
.. .. .. .. .. .. لين ما هزني نود الهيام .. و نثرتك !!

ليت ما دوني و دونك وعود و طلايب
.. .. .. .. .. .. كان لا مرّني طاري حبايب شهرتك

قلتلك : عمر جرح الحب ما كان طايب
.. .. .. .. .. .. يمكن آموت و آنا من الغلا ما نكرتك

كل ما بعثر سكوتي ضجيج الهبايب !
.. .. .. .. .. .. قمت ألبّس غيابك عذر لو ما عذرتك

من يقول الزمن ما يوم فرّق حبايب ؟
.. .. .. .. .. .. هذا أنا أقولها بوجه الليالي : خسرتك

ما خبرت الهوى ساس البلا و المصايب
.. .. .. .. .. .. لين ما الله كتب لي فيك عمر وخبرتك

ميسم البعد ما يبري الجروح العطايب !
.. .. .. .. .. .. لو تبسّمت في وجه الظروف وهجرتك

ما نسيتك و أنا صبري من سنين شايب
.. .. .. .. .. .. بس عشّمت بك ظلم الزمان و ذخرتك

مثل : ما تستر ضلوعي جروح القرايب
.. .. .. .. .. .. شوفني عن عيون أهل الملامه سترتك

كنت أداري بياضك عن سواد النوايب
.. .. .. .. .. .. كثر ما أقبل علي ليل الفراق و سهرتك

كن صدري ضريحك و المحاني نصايب
.. .. .. .. .. .. وكني : بوسط قلبي يا حبيبي .. قبرتك

ما هقيت إن للذكرى رسوم و ضرايب
.. .. .. .. .. .. لين ما هزّني نود الهيام .. و مطرتك !