السلام عليكم ورحمه ........


اليوم حنيييييييييييييت للمدرسه و ربيعاتي <

بتقولون شو الطاري

لأنهن قربن يتخرجن من دووني . و ربيعاتي يعزمني ع حفلة التخرج ربي يوفقهن ...... اغبى قرار خذيته فحياتي اني وقفت هالسنه الي اخر سنه لي بالثانوي

المهم

خذتني الذكريااات

وقلت

اقوولكم عن كم من ساالفه لحد الحين فبالي




.........
ف اول ثانوي <<

ابله مديحه ربي يذكرها بالخير مدرسة لغه عربيه

فنص السنه كانت تطلب طلباات واايده ومرات تغير فالطلبات عاد نحن طفشنا وملينا منها

وماعدنا نييب الي تباه

المهم فحصه من الحصص الممله جداً قالت اباكم تيبون ملف واذا مارح تيبون بشتريلكم الملف على حسابي
..قلت من وين حل هالكرم <<الا وتكمل كلامها وتقول عطوني الفلوس والملفات بتكون عندكم باجر

يا ماما على حسابج ونعطييج فلوس كيف تركب !!<<اتقي الله

هذا وانتي مدرسة لغه عربيه
عيل لاتلومينا و تهزبينا يوم نييب درجات ميح

............................................................ ...........

و ثاني ثانوي :

معلمة زهريه ربي يذكرها بالخير ....

قالت فيه مذكرة حطيتها لكم ف المكتبه الفلانيه
المهم قلت يا ابله المكتبه بعيده وما اتوقع اقدر اسير لها
قالت وبكل طلاقه وثقه ...ليش ماعندكم دريول <<سايق يعني قلت لها لا والله ماعندنا
جان تقول فيه اسرة اماراتيه ماعندها دريول << انصدمت قلت اي والله فيه و واايد

وهي مب مصدقه وحيااتكم تقوول لالا ... وكأني اقص عليها
عقب سألت البنات جدام المعلمه بنااااااااااات كم وحده ماعندها سواق فبيتهم

جاان اسمع الجواب الي يبرد الفواد هههههه

ما ادري بعض الوافدين يتحسبونا راقدين ع كنز او شي من هالقبيل ....

............................................................ .......................

طبعا بعض الدروس تكون ممله والأدهى من هذا اسلووب المعلمه يخلي ابن ادم يطخ ويرقد

فيستدعي الوضع اني انا وربيعاتي نسوولف شوي

تدروون المشكله لا دخلت فجو ربيعتي وتفاعلت فالموضع نسيت كل الي حولي وتكلمت بصوت عالي

ههه ربيعتي منتبه لعين المعلمه جان تأشر علي وانا ياغافلين لكم الله .........نتيجة الموضووع اني انطردت من الحصه جان تندم ربيعتي قالت ليتني بدالج <<بس نحاستها


.......................................

تعرفوون البالطو الي يلبسونه بعض المعلمات

هذاك الطويل والي كله ازرار

بس معلمتنا الحبيبه مافي بين الزر و الزر الثاني مسافه
المهم جان تقولي ربيعتي اتحداج تعدين الأزرار

قلت لها اعد ليش لا

الا واعد واعد واخربط و ارجع اعد ولله الحمد عديتهم كلمهم وماوحيت لكم
الا والملعمه يابنت اوقفي

انا شو قلت الحين !! جان اتهزأ واتفشل

بس تدرووون الي ييقهر اني نسييت عدد الأزرار

اتفشلت ع الفاضي
............................................................ .......

ذكريات حلووه
<<<الي يسمع عمرها 40 سنه


ووووبس هذا الي حضرني حاليا