السلام عليكم ورحمه الله وبركاته

والحمد لله والصلاه والسلام على سيدنا محمد وعلى آله وصحبه أجمعين..

اختى الكريمه أمراه لا تنسي , مشكوره على جهودك فى تحليل شخصيات الاعضاء وعلى كل شي تبدلينه ابتغاء مرضات الله...وفى ميزان حسناتك ان شاء الله..


المهم أختى راح أتكلم عن نفسي بكل وضوح, اختى انا أعانى منذ ان كنت بالصف السادس الابتدائي من حاله غريبه وهى انى وايد ابطل شعر راسي بايدى حتى انه صار لى فراغات وايد بالراس وساعات حواجبى وحاولت انى امسك نفسي عن ها الاشياء ولله الحمد خفت عندى سالفه تبطيل الحواجب ولكن شعر راسي للحين مب قادره ,اهلى يقولون بأنى وحده مينونه ويتمصخرون على ,,

وثانى شي انا وايد أحب التنظيف ما احب اقعد فى مكان مب نظيف حتى الملحق الى انا أسكن فيه انظفه بشكل كبير حتى ولو كنت تونى مخلصه من التنظيف طاح شي مثلا او انصب عصير اتشوفينى ارد انظف مره ثانيه ما اقعد مول احس بضيجه اذا ما نظفت احب كل شي يكون مرتب , انا احب التنظيم حتى بالوقت ما احب حد يتأخر على ولا أنا احب اتأخر على أحد ..

فشو اتشوفين فينى اختى بارك الله فيج..