مطلوب شباب ما يخافون
بسم الله الرحمن الرحيم
من بعد ما تشاورت ويا نفسي وشفت انه البعض قام يتعذر يوم أسألهم عن التصوير بالمزرعه المهجورة بالفجيرة او الجزيرة الحمرة برأس الخيمة قررت اني اسوي جروب من 8 اشخاص واكثر وشغلتنا بتكون دخول الأماكن المهجورة او المسكونه والتصوير فيها بكيمرات تصوير ليلية وكيمرات عاديه ومسجلات للصوت الكترونيه واذا لزم الأمر بشتري أغراض من امريكا على حسابي الخاص
عدتي الخاصة :
5 كيمرات
3 عاديات
2 تصوير ليلي
4 فلاشات
2 للتصوير الليلي ir
2 فلاشات led للكيمرات العاديه
وبطارتين لكل كيمرة وكل فلاش
3 قواعد tripod للكيمرات
ومسكتين grip للكيمرات
مسجل صوت digital
صورت للحين بالمسجد المهجور برأس الخيمة وبوادي الوريعه وناوي اصور بالجزيرة الحمرة قريب ان شاء الله من احصل على الأقل 5 اشخاص يخاوووني
ان شاء الله اذا رحت الجزيرة الحمرة رايح ننقسم لجروبين وكل قروب ياخذ وياه كيمرتين
كل جروب يروح بصوب وانا بقوم وبقعد بروحي ببيت من هالبيوت ووياي طبعا كيمرة وبتكون على مسافة 5 امتار مني علشان تصور اللي حوالي في حال انه صار شي
في عندي اماكن ثانيه بروحها بس اسوي جروب بالأول
الشباب اللي ابيهم يكونون :
- اقوياء قلب
- ما يفوتون صلاتهم ويكونون قريبين من الله ( البعيد عن ربه الشياطين يترصدون له )
- ما يكون ممسوس بالجن من قبل
- يكون جاهز بأي وقت وبأي مكان لأني عادي اروح اصور بالعين حتى لو اقتضى الأمر
رايحين نصور فيديو + صور عادية بالفلاش والتعديل كله بسويه انا من مونتاج وتعديل بالصور
ملاحظة للكل : انا مب مسؤول عن اي شي يصير بأي شخص بالجروب واللي بينظم لي بينظم من رضاه ومب مغصوب
شفنا الكثير من المقاطع ولكن كلها تصوير اي كلام واللي بسويه هو مونتاج محترم مدته ساعتين واذا كان في حماس بنصور بأماكن ثانيه
حطيت الموضوع هني لأني ابي شباب راك بس والسموحه
اللي يبي ينظم لي ما عليه الا انه يراسلني على العناوين ادناه :
واي شخص عنده ملاحظة او فكرة او اي تعليق ما عليه الا انه يتواصل وياي او يحط رد بالموضوع هذا
وبالتوفيج ان شاء الله
رد مع اقتباس