عطوني رايكم بقراري

[ذكريات]

السلام عليكم من فتره طوييله ما دخلت المنتدى
اليوم صراحه احتجت افضفض
انا مطلقه من 4 سنين عشت مع طليقي 4سنين صبرت ع امور وايد عليه حالته الماديه كانت جدا تعبانه وصبرت وهاذا كان واجبي اني اصبر مع زوجي ع الحلوه والمره ما صار بينا عيال والعيب كان منه هو عنده الانجاب ضعيف حتى باطفال الانابيب ضغيف شوي وقلت بصبر لكن ما قدر صبري وكانت له علاقات كثيره كل مره يعتذر ويرجع للغلط في يوم سالته ان كنت مقصره او شي قالي صراحه لا انتي كامله الكمال لله وحده هلكلام قاله لكل حد اني ما اقصر معاه بشي ويوم كنت اساله ليش الخيانه يقول ما ادري المهم صارت وايد مشاكل خلتني اوصل لحدي و اصريت ع الطلاق طبعا قبل الطلاق ضروفه كانت متحسنه جدا المهم بعد الطلاق رجع اخذ سلفيات ووسافر من مكان لمكان المهم وسوا وايد مواقف منها الماخر عطاني اياه بتقسيط برغم كان يقدر يعطيني اياه كامل بس ما اعرف ليش كان شكله يبا يقهر فيني مع اني تنازلت عن الماخر بس القاضي مارضى والحين بعد وايد امور بعد جرحني فيها وبعد 4 سنين ياي يباني ارجع له وكل يوم يطرش لي حد يقنعني لكن انا ابد ابد ما ابا ارد له لاني نسيت الماضي وابا افتح صفحه يديده بحياتي وغير جذي كل بنت تتمنى تصير ام انا مقتنعه بقراري لكن هلموضوع لما حد يفتحه يضايجني فاتمنى كل حد يقولي رايه بقصتي وينصحني لانه نحن بشر نحتاج نتكلم ونستشير انا وايد طورت من نفسي وما ابي اشوف الماضي ابدا

[ذكريات]

23 مشاهده ولا رد

[نبض انسان]

لا حول ولا قوه الا بالله
اختى لاترجعين له ولا شي افتحى صفحه يديده والله يرزقج بالزوج الطيب الى يقدرج ان شاء الله
فى رياييل جدا اختى اعوذ بالله ماحد يستحملهم..

[بوخلوفي]

قصتج ماثرة وايد
واالله مأجورة على صبرج
وأنا انصحج تنسين الماضي وتتفكرين بالمستقبل هذا ريال لاعاب وما يستاهليج - أبدي صفحة يديدة وحياة حلوة من يديد وأنسي الماضي

[توأم حمود]

أنا لو مكانك مارجعت لو على موتي خلاص إنسي الماضي وإبدي حياه جديده وأنت تقولين عقيم بصراحه الأطفال مافيه شئ يعوضنا عنهم والله يرزقه بنت الحلال ويرزقك أنت بعد......

[اماراتي وافتخر 40]

هل فيه مشاعر بقلبج له؟؟؟؟احس بج ما كتبتي هنه الا متردده

انتي تميتي بدونه 4 سنين وما صار نصيب وتزوجتي....انزين هل انتي خايفه من الايام انج تتمين بدون زوج؟؟؟

هل سمعتي انه تغير لها السبب يحاول يردج؟؟؟...الاهم من هذا كله...انتي تبينه؟؟؟

كل هالامور مهمه.....اذا حسيتي بداخلج انج تحبينه وحاسه انه تغير صدق تقدرين تردين بس تحطين شروط بعقد الزواج وهذا من حقج..

اما اذا انتي مب مقتنعه فيه فكملي طريجج..والله يوفقج..

بس حطي ببالج ما فيه حد كامل ومب مضمون الثاني يكون افضل......

هل كان يحترمج؟؟؟؟يعني هل من النوع اللي يسب؟؟او يضرب؟؟؟....

احاول على كثر اللي كتبتيه ارد عليج بس شوفي انتي شو تبين....وشوفي راي اهلج.....وخبرينا شو بيصير اوياج..عسى ربي يسعدج وييسر امرج

[ذكريات]

ﻻ والله مافي اي ذرة حب في قلبي له. وﻻ احن. بس انا من طبعي احب استشير في القرارات المهمه انا من خاطري مقتنعه. في قراري لكن. في اليوم لي كتبت فيه في المنتدى كنت هليوم مضايجه. لانه هلموضوع. ينرفزني ويضايجني. ما ابي ارجع ابد لشخص ضاعت سنين من عمري بسببه. انا ما قصرت معاه. بشي. لكن بعد ماحافظ. علي. مب مستعده اعطيه فرصه ثانيه ابدا وهو خطب كذا مره من برع. شكله بعد ما حس انه محد بوافق عليه يبا يرجع لي جني انا كبش الفداء وﻻ تاير سبير انا حطيت كرامتي وعزت نفسي قبل كل شيء. وانا ما افكر في لي ياي. موكله امري لله. سوا تزوجت مره قانيه وﻻ ﻻ الحمدلله جي وﻻ جي عايشه ولي الله كاتبه بصير. لكن كل حد يعط نفسه في مكاني ويقول بصراحه. تراه وايد امور صاﻻت مب حابه اين اكتبها في النت. وانا صدقوني ابا افضفض. وابا. منكم. كلام يحفزني ؏ الياي. ﻻني ما ابا اشوف ورى بدا. والحين انا بديت اطور من نفسي بكل شيء. واسمحولي لو في اغلاط لاني داخله بلبيبي

[اماراتي وافتخر 40]

خلاص دامج مقتنعه ..خلي الماضي وراج...توكلي على ربج

الله ييسر امره ويهديه ويسعده ويكتب له بنت الحلال.....والله انشالله بيسعدج مع اللي بيقدرج وبيعرف قيمتج...

شو بخصوص اهلج؟؟شو رايهم بالموضوع؟؟؟...وشو الاسباب اللي مخلتنج متردده جي؟؟؟؟هل فيه ضغوطات عليج علشان تردين له مثلا؟؟؟

صلي الاستخاره بعد....لانه الخيره فيما اختاره الله

كثري من الاستغفار وانشالله بترتاحين...

[ذكريات]

اهلي ناس متفهمين وحاطين القرار الاول والاخير بايدي بس لي انا متاكده منه انه محد منهم مقتنع ارجع ولا انا احس اني مقتنعه بالعكس يوم كنت مزوجتنه كنت احس انه ما ينفع لزواج من علقاته احس مرتاحه بحياتي جي وفي النهايه لو لي خطبهم وافقو عليه مارجع لي انا خليت الماضي وراي والله لا يعودني له ويرزقه بزوجه صصالحه

[اماراتي وافتخر 40]

شي طيب يا ذكريات...دامج مقتنعه واهلج متفهمين..عيل الامور طيبه

بس شو اللي مضايقنج عيل من الموضوع....دامج مقتنعه انه ما يصلح كزوج....خلاص امسحيه من حياتج....

انتي تشوفينه بصوره متكرره؟؟؟؟يعني هل هو من جيرانكم؟؟؟هل من اهلج؟؟؟...يعني يمكن يوم تشوفينه مثلا تتذكرين اللي طاف...

لانه اللي اشوفه ما فيه سبب يخليج تتضايقين الا اذا كنتي متردده برفضه..