** سجّل يا تاريخ الكاس إماراتي **

**قوت القلوب** · 19 - 1 - 2013, 10:01 AM

غرّدي ياطيور الدوح وأصدحي بـ أحلى لحن
الأبيض زف أجمل هدية للوطن

إماراتي الغلا لج الفوز من أول ترى
من بعد ما كان واللي جرى

أنحبست أنفاسنا وأنقطع مجرى الهوا
والجمهور صامت وعيونهم للسما

وهلت دموع الفرح
بعد ما كاد القلب ينجرح

فرّحوتنا عيال زايد
بهدف ثاني بعد التعادل

يعل الفرح والفوز
دايم الدوم عادل

أرفعو الأعلام ورددو أحلى كلام
للشيخ خليفة أغلى تحية وسلام

وسلام الله لأبو راشد وبو خالد
وسلام الله لشيوخ الإمارات الكرام

سلطان وحميد وسعود وحمد
وشيخ إمارتنا بو محمد سعود

يعل الفوز علينا دايم الدوم يعود

ســجل ياتاريخ عبارات القصيد
حب الإمارات بقلوبنا كل ما يزيد

عسى ربي يحفظها من عين الحسود
ويرحم اللى من له الفضل الحميد

مؤسس الدوله اللى رايه دوم سديد

وعيال زايد دوم هم بالساحة أسوود

والكاس مهما غاب لا بد يعود

عيال زايد ما قصروا رفعوا الراس

قبل لا يرفعوا بيمناهم الكاس

**البيت السعيد** · 19 - 1 - 2013, 12:32 PM

للإمارات الحبيبة صدح البلبل قال:

منتخبكم زرع الفرحة

بالشياب قبل الشباب

واستحق الكأس خالص

نجمكم فوق السحاب

بالمهارة

والارادة

والدراية

الجميع فيها اشاد

الوطن

غالي

ووافي

مايحب الارتياب

وشباب الفجر

اهلوا بالنصر

هذا جواب

ياقروم

القوم

سلام

من فؤاد

بمحبتكم ذاب ..

**Dam3t shog** · 19 - 1 - 2013, 03:14 PM

مبرووكين على الفوووز و تستاهلون نفرح بكم ي عياال زايد ،، الصراحة واايد مستانسسة ،، احس زادت فيني الوطنية هههه

**نبض انسان** · 19 - 1 - 2013, 03:21 PM

تسلمين اختى قوت القلوب على الكلام الحلو

**شاعـ الاحاسيس ــره** · 20 - 1 - 2013, 09:01 AM

صح لسانج قوت القلوب
ابداع ما شاء الله عليج
ومهما كتبنا عن الامارات ما نوفيها
بالكلام ولا بالافعال
الله يديم حكامها
ويحفظها من كل شر

**فكره عابره** · 20 - 1 - 2013, 10:42 AM

قوت القلوب

منك الشعر والمعنى

ولنا الفرحة والمتعة

دام عطاؤك منبع الجمال

**.The Special One** · 20 - 1 - 2013, 10:59 AM

[align=center]
إرتجاليه ... لكنها ممتعه
[/align]

**قوت القلوب** · 20 - 1 - 2013, 10:20 PM

شاكرة لكل من عانقت عيناهـ ماخطه يراعي من إحساسي بفرحة الفوز
ومهما كتبنا لا بمكن أن نصل إلى قمة الحب العظيم لإماراتنا العز والفخر
دمتم يامن مررتم ونثرتم عطركم الفواح ...
شكراً لكل من قرأ كل حرف من حروفي المتواضعة
لكم كل الود

الموضوع: سجّل يا تاريخ الكاس إماراتي

أدوات الموضوع

عرض