فطيــرة القشطه ..

[نبض انسان]

السلام عليكم ورحمه الله وبركاته ..

خواتى صار لى 4 سنوات اطبق ها الوصفه عن جد روعه وقلت خل انقلها لكم عشان انتو بعد تستفيدون من ها الوصفه الذيذه مره .. والله يسلم صاحبت الوصفه ..


المقااااادير ..........
كاس وثلاثه ارباع دقيق
ثلاثه ارباع كاس ماء
ملعقه كبيره خميره فوريه
ملعقه صغيره بيكنج بودر
ملعقه كبيره سكر
فنجال زيت
ثلاث ملاعق كبيره حليب بودره

الطريقه
تخلط جميع المقاديرماعدا الدقيق بمضرب البيض ثم يضاف لها الدقيق تعجن جيدا وتترك لتخمر ساعه تقريبا او الى ان يتضاعف حجمها
كما في الصوره ادناه

نجهز الحشوه

4حبات جبن مثلث علبه قشطه شوي سكر مطحون
تخلط بالشوكه وتترك جانبا

جبن كرافت مبشور

نجي لتطبيق الفطيره

ندهن صينيه دائريه بالزيت
نقسم العجينه نصين
ناخذالنص الاول ونفرده بالصينيه
نحط جبن كرافت على الاطراف زي الصوره
نحط الحشوه بالنص ونفردها
نفرد الجزء الثاني على الطاوله بحيث يكون نفس مقاس الصينيه
ندهن الفطيره باليض ونرش عليها سمسم وحبه سوداء
ندخلها الفرن بعد ماتنجح
نشربها بالعسل

وبالعافيه عليكم ان شاء الله تعجبكم















وبالعافيه عليكم جربوه أمانه بيعيبكم ..

[بنتـ DxB]

والله شكلها يشهي ،،
تسلم اييدج حبيبتي و يعطيج العافيه

[نبض انسان]

الله يعــــــــــافيج اختــــــــى بنت دبى نورتى اختى ..

[اماراتي وافتخر 40]

ماشاالله

شكلها يجنن

انا دايما اجرب وصفاتج ودايما تطلع حلووووووه...عسى ربي يحلي ايامج

[نبض انسان]

فديتج والله تسلمين اعيونى ..

[princessa]

بطبق وصفتج لوطلعت ظابطه عندي بصورها حقج ولو اختربت لاحول ولا قوه ههههههه

[نبض انسان]

اتوكلى على الله ونتريا انزين

[صرخة ندم]

يم يم شو هالاكله نبض انسان

لذيذة مره مره ان شاءالله بجربها

[صرخة ندم]

نسييت اقولج تسلم ايدج

[نبض انسان]

شو بلاج تسلمين والله