سود الليالي دايم الدوم تطراك = والعين تسأل كحلي اليوم وينك؟
من بعد زولك والدقايق بلياك = مثل المسافه بين ايدي وايدينك
يا فاتني خذ صادق القلب وياك = وش حيلت اللي فارق اليوم زينك
ياما وياما هلّت العين ذكراك = ذكرى قصايد زينتهن جبينك
ياما ترجيت الليالي بلقياك = من يوم حال البعد بيني وبينك
من شوق قلبي جتك الابيات تنخاك = تبكي على فرقاك وتقول وينك؟
ولله لشوفك اهدي العمر وافداك = واهديك عين(ن) ترتجي شوف عينك
يا ساكن(ن) بين الحنايا لشرواك = ارخصت انا غالي القوافي لزينك
اما تجي وانا على الدرب بلقاك= ولا تراني بسرقك من قرينك
دنياي نقطه تايهه وسط دنياك = والروح ترجف تسألك عاد وينك؟
تحياتي الاميره الناعسه
رد مع اقتباس