** إماراتي الوفاء *

[قوت القلوب]

تزيني إماراتي إمارات الزين

وتكحلي بأسم الله من العين

نفداج بأرواحنا بكل غالي ثمين

شيخنا خليفة ياخليفة الزين

يحفظج ربي من نظرة العين

إماراتي الوفا إماراتي الغلا

يادرة الكون

حبج ماهو بيوم ويومين

حبج متأصل بداخلي من سنين

أربعين شمعة ونزيدهم أثنين

قصة بدت من واحد وسبعين

بلادي أهديج العمر عمرين

قصة وطن يرويها الراوين

بجمالج تسر عيون الناظرين

وبطيب شيوخنا حبونا الملايين

رفرف ياعلم وغنى ياطيور

بأحلى التلاحين

بحب وصدق وإخلاص

نقسم لج إمارتي باليمين

حبج حب غير ياقرة العين

نحصنج بأسم الله

من عيون الحاسدين

ورايتج نحملها دوم باليمين

صلوا على النبي سيد المرسلين

لج منا سلام بالملايين

عسى الله يحفظ دولتنا

وشيوخها الأكرمين

*******

كلمات من نبض روحي والسموحة على التقصير يا أوكسجين حياتي ياإماراتي ( قوت القلوب )

[نبض انسان]

مثل ما عودتيني مبدعه في كل مره ماشاء الله تبارك الله عليج

[قوت القلوب]

مشكورة أختي نبض إنسان على كلامج الطيب ودولتنا مهما كتبنا فيها تظل حروف إبجديتنا خجلى

لأنها أكبر من الكلمات يدوم عزج يابلادي