لما كنت طالع البر مع الأهل في عوافي صورت لي كم صورة.. صورتهم بسرعة بسرعة.. أكيد بتشوفون أنها مب واضحة>> أدري..تصويري دااااايماً دفاشة..



الصراحة ما كنت ناوي أحط الصور.. في البداية حسيت ما لها أهمية.. ما لها معنى.. بس يلست أتأملها.. وفكرت.. يمكن ما تعني لكم شي هالصور، بس غيركم يتمنى لو يشوف طيفها في خياله..



غيرت رأيي وقلت بحطها.. وقلت أكتب اللي كان في خاطري وأنا أتأملها..








صورت التراب.. شو يعني تراب؟!
هذا التراب مو أي تراب.. هذا تراب بلادي..











هالتراب هو اليوم يحملنا..
وهو باكر بيحضننا.... بعد عمر طويل إن شاء الله..




















يمكن نحنا ألحين ترانا في البلاد وعايشين بأمان.. يمكن ما تحسون بأهميته وايد..
ما يحس إلا اللي يكون بعيد عن البلاد.. يتمنى لو يمسك منه لو حتى قد كفة الإيد من هالتراب.. بس ما يقدر..














>> أنا أهدي هالصور لكم ولكل شخص بعيد عن بلاده..











>> أنا ما يهمني أشوف توقيعكم على هالصفحة كثر ما يهمني أنه توصلكم رسالتي..




والسموحة