http://www.alsh3r.com/files/7lyl_Alshbrmy/(22).ram

يامن دهتنـي عيونـك واحتوتنـي يديـك----الله يسامحْك كيـف تقـول مـاذا دهـاك
ماتـدري انـي متيّـم بـك وكلـي لديـك---مملوك مأسور مسبـي مستهـام بهـواك
أموت كلي معك .. واموت فيـك وعليـك--واغليك لكن عسـى الله مايبيّـن غـلاك
واحنّ اليك .. وعليك احـنّ مـن والديـك---ومن لهفتي عيـن قدّامـك وعيـنٍ وراك
أشتاق لك واشتكي لك منك واشكيك اليـك---كلك ملكني .. وكلك فـي عيونـي مـلاك
جادلك جيـدك جبينـك خنجـرك حاجبيـك---اسمك سماتك سمّوك سِسْتِمِـك مستـواك
جوريْك جمرك لجينك عسجـدك وجنتيـك---ذرابتِك رقّتِـك روعـة حضـورك بهـاك
وجهك وهج مبسمِـك بسمَتْـك غمّازتيـك---براءتك .. خالك اللـي لاذ بايسـر شفـاك
سِجِنّجِلِـك جلنـارك نرجسِـك كركـديـك---كاديك مسكك نسيمك شمس صبحك مساك
سلهام عينك .. نَعَس طرفك .. حَور مقلتيك----بوهَتْك ملحك حلاتك خـف دمـك حيـاك
ما اعرف اداري ولا اهدّي ولا امسك بريك----لاجيت اجي كلي .. وكلي عسانـي فـداك
أقدّم الروح كاش .. وباقي العمـر شيـك-----باسمك مصدّق ولا يصرف لحـيٍ سـواك
يامن دهتنـي عيونـك واحتوتنـي يديـك-------الله يسامِحْـك كانـك قلـت مـاذا دهـاك





منقول