الوقت ما فات
الشاعر :: زايد بن سلطان آل نهيان
رد على الشاعر محمد بن سلطان الدرمكي
شعر الشيخ زايد بن سلطان آل نهيان رحمه الله
يا شوق حلوين أو زينات = شهم ولك ميـزه نجيـه
لا تسيع الونه ابعبـرات = أو لا تكون في فكره قويه
يا بوجسيم الوقت ما فات = بنسير بـك سيـره هنيه
غيه وفيها من الشراغات = اطيور سرعـات وحيـه
متعلمات الصيد في اوقات = ومـدربـات بالسـويـه
ماشي شرد عنهن ولا فات = صقارهن نفسـه رهيـه
ما يتم يعـزا كل ثبـات = لـي يلعـت لـه لوليـه
في الطرد ما يعطي مسافات = يلحـق اوله ضربه قويه
لي في الخلا راعيه ما بات = ولا صوع الربع او خويه
لي له مع طرده مصابات = يشلع ثناد وهـا طـريه
يا ما نزل من الدم قطرات = من ضرب كفه في اضحويه
واربوعنا امثالهم اميـات = شبان وانفسهـم زكيـه
لي للخوي معهم مزيات = حشمه ومدراة او حميـه