السلام عليكم ورحمة الله و بركاته
نزف قلم،
حروف مشتتة ...
********~
شخص يقرب لك ،أكبـر منك .. يعرفك عدل ،
يعرف اللي تحبه و اللي تكرههـ ..
يعرف طريقة تفكيرك و اسلوبك ..
[يعرف أخلاقكـ ... !]
تكتشف انه يحرض أهلك عليك ..
يشككهم في أخلاقك . . .
~********
شخص .. يعلمك القيم و الأخلاق .. !
يسوي نفسهـ البريء دايمـاً ..
من الممكن يضحي عشانك ،
عشان تصدق انهـ .. شهـم ...
تكتشف فجأة انه ..
تجرد من أخلاقهـ . . . !
********~
شخص حبيتهـ و عزيته من قلبك ..
كان وياك دايمـاً .. و بالاصح .. كنت دايماً وياهـ ...
تحاول ترفعهـ لـ فوق ..
ينزلكـ لـ تحت . . .
تركتهـ بعد ما اتخلى عنك كذا مرهـ ..
و انته اللي اصلاً في غنى عنهـ ...
بعد مرور فترة طويلة .. بعد ما انجرح قلبك مرات و مرات ...
تكتشف انه يحاول بـ شتى الطرق يرجع لكـ
بأسلوبه اللبق .. و اتيكيته
ايي يتكبـر عليك .. بنية انه يرجعك لهـ . . . !
~********
كل الناس يحسون فيك ..
يحسون بـ عذابك و ألمكـ ...
و تكتشف بس انه الشخص اللي تباهـ يحس ...
فاقد الإحساس للأبد . . . !
********~
الكل يبتعد عنك فجأة ...
حاسّ بضيق و حزن ...
محتاج حد يخفف عنك آلامك ...
قلبك يعورك ..
محتـاج اتصيح عشان يخف الالم اللي في قلبكـ ..
تكتشف انه ما في ولا صدر .. أو جتف
تحضنهـ أو تصيح عليهـ . . .
~********
شخص حاسّ فيك ..
تحسّ فيهـ ...
يعرف احساسك ..
تعرف احساسهـ ...
تكتشف انه لا يمكن في يوم من الايام
تخليه يعرف مشاعرك . . .
********~
شخص يقول ، الثاني يتكلم ،
الثالث يظلم، الرابع يشتم ...
انت واقف .. مب عارف شو تسوي ..
تسكت لأنه انته الصغير و ما يحق لك تتكلم ...
تكتشف انه الجهل ما يخصهـ في العمـر و التعليم ..
الجهل له خص بالقلب .. و طبايع البشـر . . .
~********
شخص ..يطالعك من بعيد
يعرف نقطة ضعفك ..
يراقبك ..
يطالع تصرفاتك..
من عيونه يبيبن انه يعرف اللي قلته بـ عيونك ...
تكتشف انه اللي بعيد يحس فيك و القريب ما حسّ
ولا عمرهـ بيحسّ . . .
********~
وفاة قلب .. و نتقبل التعازي
على مدار السنة ... في كل سنة ..
~********
رد مع اقتباس
