خبز جباب (لذيذ على ضمانتي بيخلصون الصحن)

[غلا غياهيب]

السلام عليكم ورحمة الله

شحالكم خواتي وخواني


من كم يوم كنت يوعان عاد فكرت قلت خلني اسوي خبز جباب

أونه الريال صدق عمره لا تصدقون هاي سوالف أم عبود خخخخ




انزين بخليكم الحينه مع الصور والمقادير والطريقه وإن شاء الله بتعيبكم الطريقه والخبزه بتظهر حلوه وطريه ولذيييييييذه صدق


المقادير

2 كوب كبير طحين فاخر او طحين كويتي (مقدارجيله )
1 ملعقه طعام خميره فوريه
1 ملعقة طعام بيكينج بودر
2 بيضه + رشة ملح + رشة هيل + رشة زعفران
4 ملاعق طعام حليب بودره
3 ملاعق زيت خفيف مثل نور
4 ملاعق طعام سكر
2 نفس الكوب ماء دافئ او اكثر شوي حسب العجينه لازم تكون خفيفه وسائله تقريبا بس مش وااايد ما اعرف اوصف لكم بتشوفون بالصور كيف


يالله الطريقه الحين










[رشة ملح





السكر


[COLOR=purple]

الحليب





الخميره





البيكينج بودر




الزيت





البيض + الهيل والزعفران



الماي الدافي تقريبا كوبين متروسين



ونخلط العجين زين بالخلاط اليدوي او الخلاط الكهربائي بس لازم ينخلط زين مره




بعدمانخلط زين








هذا بعد ساعه لازم تخلينه على الاقل ساعه



ألي تبا تشوف الصور اوضح تضغط على الصور





تاوه تيفال









صورت لكم كيف الخبزه تستوي وانا كنت احرك التاوه لفوق وعلى الجوانب عشان ماتحترق الخبزه من تحت لين اشوف الخبزه من فوق كلها خبوق اقلبها



بعيد الطريقه



















طبعا بعد كل خبزه تدهنينها بدهن الاصفر

وانتهينا الحمدلله وإن شاء الله تكون الوجبه عاجبتكم

[الأميرة الحسناء]

طبعاً لذيذ هالخبز

نحن نسويه فالبيت يحبونه
لانه خفيف وله طعم مميز وخاصه اذا فيه هيل وزعفران
يجنن
تسلمين غناتي واللي مايعرف يتعلم
تراكم بتحبونه ...

[صمتي ألمي]

واااااااااايد يعيبني
بس مرات ماتضبط عندي
بحاول اجرب وصفتج هاي وإن شاء الله تضبط معاي
يسلموووووووو

[ƒεïз Ř@Ҝ]

اممممممممممممممممممممممممم
بصراحه شهيتيني فيه

[الشفق الأحمر]

شكراً على الوصفة الحلوة

[بـــ BRAAA ــــراءة]

لذيذ تسلم ايدج

[صمت الجروح]

تسلمين بالهنا والشفا

[حمد100]

الوالة تسويه وايد لذيذ وخاصة مع العسل العربي الاصلي وتشكري سنفورة

[عاشقة القمم]

أمممم أنـآ مش من محبيـن الخبـز
بـس إذآ قرصنتي اليووووع بـآكلـه بس بحط فيـه جبن
~>> لـآ تستغربـون هالطريقـة تعلمتهـآ من سفينـة البحـر هـ‘ـع


~ْ|[ تسلميـن إختـي ع الطـرح ]|ْ~

[حشـآشة يووفـي]

يمي يمي .... نآيس ...
تسلمين على الوصفه حياتي ....