عيد الاتحاد

[الوطن موال اخضر]

أشياء من الماضي



رِيْم (الخِتَمْ) غالي زبونه

وِمْن الذَّهَبْ يِسْوَى عدايل

تِسْعِيْن عِقْصٍ يَدِّلَوْا له

غير الثّنينه لى نفايل



*********************


عِيْد الإتِّحَادْ




عسى الفَرَحْ والعيْد عَ دْيارنا يْعود

عَ الشَّعْب بالأفراح والسعد ينعاد

دار الكَرَمْ والطِّيْب وِدْيَار لِجْدود

عسى لياليها مسَرَّاتْ وَاعْيَادْ

أرْسِلْ تحيَّاتي لها بْمِسْكٍ وْعود

وْنَرْجِسْ وْريْحَانٍ مَعَ جوري وْكاد

عيد اتّحاد السَّبْع والسعد في زود

في ظل قايِدْهَا لها دِرْع وِسْناد

هذا (خليفه) نَوَّرْ أيَّامها السود

راعي الكَرَمْ والطِّيْب وِسْلوم الاجداد

يجود والأجواد من جوده تْجود

يا كَم كَفٍ مَد مِنْ كَفّه وْجَاد

وْعَلى يمينه واحِدٍ كَنّه الطَّوْد

هذاك (بو راشد) ولا يبغي أشْهَاد

للدار يَبْذِلْ كِلْ غالي وْمَجْهود

لِعْيون تغضي.. وْلا لَحَقْ عينه رْقَاد

كِلْ شَي في هالوَقْت له كَم وِحْدود

إَلاَّ عطا (مْحَمَّدْ) فْـ كِلْ يوم يِزْدَادْ

الله يعمي عَنْهم عْيون لِحْسود

ويحمي الوطن وِنْعِيْش في خير واسْعَاد

وعيد اتّحاد السَّبْع يا رَبّي يْعود

في كِلْ سنه بالخير عَ الشَّعْب يِنْعَادْ



شعر: موزة سلطان الكتبي

[مزاجيه]

يعطيج العافيه