ماهقيت أني أبتعب ليـن راحـت وإتركتنـي
ماهقيت أني أبتعب ليـن راحـت وإتركتنـي
لاتسألوني.. وأسألوها مـن متـى ماكلمتنـي =وصدقونـي لوسألتـوا أدري ماينـفـع معـاهـا
من يصدق كيف غابت عن عيوني وهجرتنـي =مخطيّـه والله يعلـم لوتجـي بـدمـح خطـاهـا
غاليّـه والشاهـد الله مـن غلاهـا ولعتنـي =ومـن بعـد ماولعتنـي أحرمتنـي مـن غـلاهـا
وقلت يمكنّها إتغـلا مثـل ماهـي إمعودتنـي= تحرق أعصابـي وترجـع.. كـل ماربـي هداهـا
ليه؟؟ وش ذنبي؟ بدون أسباب هالمّره نستني= ماني متحمـل جروحـي وزود جروحـي قساهـا
أذكر أنها حذرتنـي بكـم كلمـه وإسألتنـي =(وش مصيرك لوتركتك وسـط هالدنيـا وغثاهـا)؟
كانت إتلمّح لحاجـه ومـن بعدهـا حلفتنـي =إنـي لاغابـت أغيـب وأنسـى لوقلبـي بغـاهـا
ليتها قبل الرحيـل بكـل صراحـه فهمتنـي =هي ظروف الوقت؟؟.. وألا شخص ولعها وخذاها ؟؟
ماهقيت أني أبتعب ليـن راحـت وإتركتنـي =ولين قلبـي قـال هـذي مالـي محبوبـه سواهـا
من يلوم القلب فيها لويقـول أنهـا إفتنتنـي =دام لاجـات إتباهـا قـال مـن حقـهـا تبـاهـا
من حلاها ماكذبت أن قلت تسحر وإسحرتنـي =ولوتمـر قـدام عينـي زر عقلـي مـن حـلاهـا
ليه قالتلـي (أحبـك)؟ ليـه فيهـا حببتنـي؟ =مـادرت أنهـا بكلمـه علقتنـي فــي سمـاهـا
من كثر ماكنـت أحبهـا لوثوانـي قاطعتنـي =إبلا شعور أسـأل عليهـا وأقلـب الدنيـا وراهـا
علموها كيف صـارت دنيتـي مـن هملتنـي =قولولهـا أنـي أمـوت وكـاره الدنـيـا بـلاهـا
وذكروها بكل كلمـه مـن شفاهـا ضيعتنـي =ماكفـاهـا ماجـرالـي أسألـوهـا ماكـفـاهـا؟
مابقالـي غيـر صـوره فالبعـاد وعذبتنـي =من أطالعها تضيـع العيـن فـي ضحكـة شفاهـا
ومابقالي غير ساعه منّهـا يـوم إ ذكرتنـي =بعيد ميـلادي وصـارت تحسـب الوقـت إلقاهـا
لوصحيح أنها تبينـي ماتمـادت وخسرتنـي =ولوصحيح أنهـا تحبنـي ماتخلـت عـن هواهـا
السهر عـذب عيونـي والقصايـد دمرتنـي =وكل حـرف بهالقصيـده يشكـي الحـال وعناهـا
ليتها تفهـم كلامـي لاوصلهـا وأسمعتنـي =وليتهـا ترحـم حبيـب ٍ لوتنـاسـت مانسـاهـا
رد مع اقتباس