صقر المرجله


في شعره يوازن دائماً بين إحساسه الشعري النامي وما يدور حوله من ماَثر تخلق هذا الإيقاع الإبداعي الخلاّق. . سمو الشيخ حمدان بن محمد بن راشد اَل مكتوم. . شاعر فطري السجية مجرب الحدث مبدع الرؤى تمتلك مشاعره فلا تستطيع إلاّ أن تعبر عن إعجابك بذاك التميز في فهم ما يريد. . وإيصاله إلى من يود أن يرى الجمال في أرقى حالاته. .

صباح الخير يا اهل الخير . . صباح الوَرْد والعنقود
صباحٍ كلّما هَزّ الشعر غصنه قضى ثاره
إذا جادَتْ يمينك يا (البنادم) جودها مردود
من اللي بامره نْجوم السما تنساب مدراره
و رَجْلٍ ما يوقف في حياته موقفٍ مشهود
يعيش يْموت ما يدرى عن أحواله ولا اخباره
إلى مَرّ الفتى باوّل صباه ولا قدَح بارود
أجل وش خانة أيّام الشباب و يَنْعَة أزهاره
يجودون الرجال وْجودنا ينْجاد منّه جُود
وْحنّا اللي نبَطل للعطايا كل محّاره
على دَرْب المعزّه ما قصَرْنا حَبْلنا الممدود
ولا حتى نفكر لو يجور الوقت قصّاره
يعلّمنا الزمان وْنستفيد وْنَبْذلْ المجهود
وعزيزين النفوس نْفوسهم صَلْفَه وْمغْواره
بلشْنا ما عرفْنا من هو المذموم والمحمود
واشوف الجار ما يَدي الديون اللي على جاره
وضعيفين النفوس مْن الليالي حيلهم مَهْدود
وانا حيلي صواديف الزمان تْزَيدْ إصراره
أنا عندي على كل الكلام اللي أقول شْهود
حشا ماني باثَرْثر والقلوب السُود ثرثاره
أشوف النَفْس مثل البَكْرَه اللي ما تحبّ القود
وعسفها واحدٍ نفسه على الايّام صبّاره
ألا يا السحب هلّي لين اشوف الما في راس العُود
تباشَرْ به رعايا الإبل بَعْد القيظ وغْباره
والا يا الشمس طلّي لين تجلين الليال السود
واشوف النور في عْيونٍ من التفكير محتاره
والا يا قلب خَلّك مثل ما اخَبْركْ حفيظ سْدود
ترى الرجّال لو يَكْشف سدوده قَلّ مقْداره
والا يا عين لا تبكين ما دام البكا مَنْقود
تحلّي بالتصبّر والعزم تاره بَعَدْ تاره
والا يا طير غَرد دام حَبْل وْصالها ممدود
هنوفٍ. . لا تذكّرْها خفوقي زادت اَثاره
وهي كَنْ في ثغَرْها ريحة الياسمين والكمبود
تثنّى كَنّها غصنٍ عليه السحب مَطّاره
تلفّت كَنّها ريميّةٍ ترعى بوَسْط حْدود
مكان فْ واديٍ دار الزمان وما حَدٍ زاره
سراب الظامي اللي مستحيل انّه يبلّ كْبود
محطّمْهم غلاك اللي تحبّ الرجْل مشْواره
تعالي لا تخلّيني على باب الأمل مَفْقود
فراقك سَبّب جْروح الحزين وْكثّر أضراره
وانا اللي حاضرٍ ذكْري لو انّي ما هو بْموجود
أحبّ الشامخات ولا اطرق البيبان في الغاره
أنا للمَرْجله صَقْرٍ جناحينه تضمّ النُود
ما غير (مْحمّد إبن راشد إبن مكتوم ) صَقّاره

سموالشيخ حمدان بن محمد بن راشد اَل مكتوم (فزّاع)