السلام عليكم

ان شاء الله تكونون بصحة وسلامة

حبيت اطرح موضوع بما انه اسبوع المرور

اول شي شدني لكتابة الموضوع اني محتار من المرور في دولتنا واذا كنت مخطئ ابي حد يصحح لي فكرتي

بما انه اسبوع مرور والمفروض ينتشر الوعي أشوف الشرطة يلعبون لعبة الجلاد مع المواطن

أكبر همهم هو مخالفة اي واحد على الشارع وعلى اتفه الاسباب

يعني لو خلو هالاسبوع خال من المخالفات وكله لنشر التوعية بيكون التواصل مع شرطي المرور اكثر سلاسة وبدون اي اجواء توتر وبالتالي بيصب بمصلحة الاثنين

اما الحاصل الحين فهو ان الدوريات طايحة مخالفات بالاوادم ومحد يشكر لهم

وهالشي الاحظه اني كل ما اسير مكان وحتى فمكان الدوام كل واحد يرمس عن مخالفاته ويستمر حوار طويل و هالشيء خلق عداوة بين الناس والدوريات

فهل ها المطلوب ؟؟؟؟؟؟؟؟؟؟؟؟


والشي اللي قاهرني مخالفة المخفي ؟؟؟؟؟؟؟؟؟؟؟؟؟؟

هني العجب العجاب يعني انا ملتزم بكل شي بس المخفي حاطنه 50 >>>>> مخالفة 10000 درهم

انا هالشي محيرني يعني كل المخالفات حتى قطع الاشارة ما توصل لها المبلغ

والحين بسبة المخفي 10000 ليش شو السبب حتى اني متاكد لو سوو دراسة ماشي حوادث بسبة المخفي

يعني حد يفهمني شو الغلط واحنا محتاجينه اكثر من الدول الثانية لانه وايد يساعد في عزل الحرارة والواحد بعد يحتاجه يوم يركب الاهل

ع الاقل يرفعون النسبة لخمسين 50 % او يخفضون المخالفة مثل باجي خواتها ...ولا شو رايكم



اسمحولي ع الاسلوب الغبي بالكتابة لاني من زمان ما كتبت بمنتدى

بس هالموضوع بخاطري وحبيت اقوله واسمع اراءكم