غلطان يالمزيون والله غلطان
ماني من اللي يتبعون الخفايف
نفسي عزيزة وفي حمى المجد سلطان
ماكنت في يومٍ من الناس خايف
ولا أورد المورد ولو كنت عطشان
ان كان فيه الذل والضيم حايف
أرقى لرأس النبع وآزم طربان
واخذ مرادي دون تكدير زايف
أتبع دروب الصعب لو كان ما كان
ما تهتوي نفسي دروب الرهايف
بالعدل والقسطاس بأحكام وأوزان
نفسي أحاسبها بزجر وعنايف
زلة عدوي ما لها بخاطري شان
وزلة صديقي ارجفتني رجايف
لا حول من دهرٍ به الشوك رويان
وزهر الخزاما في المرابيع هايف
( ياويِلي الله ) من تقادير الأزمان
قلبي عن الأفراح يا ناس عايف
عزاه يا قلبٍ شكى هم وأحزان
زاد البكي واليوم ما عدت شايف

تحيااتي ...

الأميرة الحسناء...