أمة محمد ضيعوا اسم محمد!!!
السلام عليكم ورحمة الله وبركاته وبعد
اليوم يايب لكم موضوع مهم لانه منتشر بين النااس وهم مب منتبهين
كنا انا وربيعي عند دكان انا اعرف اللي يشتغلون فيه بعضهم مب مسلمين و حسب ظني انهم من الهندوس ، ف دق هرن الريال و طلع الهندي وحب ربيعي يعزمني احم
ربيعي / محمد جيب واحد بطاقه 100 درهم و 2 فيتامين c
انا /ياااخي هذا مب مسلم اعتقد كيف تزقره محمد
وماقتنع ربيعي و صارت مجادله بيننا وانتهت وهو بعده مب مقتنع ورحنا مطعم وبعد زقر الفلبيني محمد
الحين حبيت افتح حوار بخصوص الناس اللي يزقرون الباعه محمد واحيان يكون فلبيني واحيان هندوسي واحيان من جنسيات عربيه بس مسيحيين
شرايكم فالظاهره هذي وكيف ممكن الحد منها ؟
وهل تويدون ولاتعارضون؟
رد مع اقتباس