محــلاك يـالساكن شمــل فــوق
عـذبـت خـل(ن) فيــك مــلتــاع



غـي الهوى سوى بي حـــروق
كــم أرتجي وصـلـه ولاطـــــاع



ياحيف انا ماشكي من العـــوق
بـس الهـوى سوى بي أويــــاع



خذني هوى بو عنق(ن) وطـوق
تـحـت الـغشـايـه بـين وشـــاع



كـل مــا دعيتـه يـذرف المـــوق
من طرف عين(ن) سالت ادماع



وايقــنت بــأنه حيــل مـحــروق
لـكـن هـوانــا مـالــه أطـبـــــاع



وقــول لــه شـوقتنـي شـــوق
مــالـي عـزا عـنـك ولا قنــــاع



مــايحـدني بعـدن ولا طـــروق
بـطـرق جــداك سيوح وقــلاع



محـلاك يـالسـاكن شمـل فـوق
مـن بسـألـه عنـك وينـصــــاع



ويثيب روح(ن) شدها الشوق
في شف خل(ن) غير مطـواع



يــاليتني مثـل الـمطـر فـــوق
مـايـرد مـايه بــاس(ن) ومنـاع



بهطل وبسقي منك أعــروق
وبغـرق الـوديـــان والـقـــــاع



بفيض من شوق(ن) على شوق
لـلي سـكن فـي يــوف هزاع
</i>