قطعتي لشوق محبوبك طريق صعب وسط رمال

وباقي ع_____ القصر خطوة رجيتك يله امشيها00


دخلت وشفت منهو خذ حياتي مني والامال

في بشته واقف يسلم على ناس ويمشيها 00


صرخت وصحت في صدري واشوف الدمع مني سال

ذكرت الريم في ليلة تحاكيني واحاكيها 000


تقول بعرسنا يا حب باسوي شي ماينقال

باعلم هالبشر وشلون تحب الروح مغليها00


قربت وجيت ابارك 00 وقفت كانني تمثال

وقفت قباله اتبسم واطالع عينه واوصيها00


اوصيها على ريمي يعيشها في احسن حال

تعيش العمر في راحه ولايوم يبكيها0000


تراها غالية عندي حتى غيابها لو طال

انا باقي اسير لعينها اللي منفتن فيها000


فمان الله يا ريمي عسى دايم وسيعة بال

عسى الدمام تسعدبك وتهني في اراضيها00


رجعت لديرتي باحزان قوية بالحشا تغتال

تركت الريم بجروحٍ وهم معها يطويها0000