خلاص بمسح ذكرياتك من الحين
يكفيه قلبي مابقى من جراحه
مادام مالي في حياتك عناوين
والصد في وجهي رفعتي سلاحه
صعبه اعود وصعبه انك تعودين
مادام لك في بعدي اليوم راحه
يمكن تمر ايام وشهور وسنين
وقلبي سجينك ماطلقتي سراحه
روحي ولاني سائلك روحتك وين
مليت من ظلم الغرام وكفاحه
روحي وانا بروح بكره تعرفين
اني شهيد الحب والشوق ساحه
اكبر خطاي إني مشيتك طريقين
لين ابتعدت وماحسبت المساحه
واكبر خطاك إنك عرفتي تحبين
ذاتك وحب الذات بان بصراحه
خلاص مالي في حياتك عناوين
وما للغلا في قلبك اليوم واحه
قصيدتي دمعه على خد مسكين
كتبتها من قلب زادت جراحه
مدير النقل والتصوير
Just_me
خيماوي_2000
رد مع اقتباس
المشاركة الأصلية كتبت بواسطة عاشقة القمم
