أين الرقابة عن سوبر ماركت .... بشارع الكويتي

[رمساويه يديده]

السلام عليكم ورحمة الله وبركاته

أشحالكم عساكم بخير..؟؟!!

من فينا مايعرف سوبر ماركت موجود في آخر شارع الكويتي !!

عالعموم الكل يعرفه والاهم من هذا ياليت لو البلديه تمر تشوف اغراضه الغذائيه


لان بكل امانه شريت من عنده حليب نان للاطفال وبصراحه اول مافتحت الحليب طلعت ريحه غريبه

ويوم سويت الحليب وتذوقته كان طعمه تولع الجبد وطبعا هالحليب خاص للأطفال الرضع

قلت يمكن منتهيه صلاحيته ولكن شفته انه بينتهي شهر 6 /2010 يعني هذه السنه

قلت لريلي عن الموضوع قال بنشتري شي ثانيه بنشوفه اذا اوك والا لا

لكني انا رفضت اني ارجع هالمكان

وقلت لربيعتي عن الموضوع وتفاجأته انها هي نفسها عانت من هذا الشي اشترت حلويات وبسكويتات

وطلع لها طعم غريب وامها بنفس اليوم شرت اغراض البيت وللاسف فروا الفاتوره بالزباله


انا بسال وين البلديه عنهم هل نحن اللي عانينا من هذه المشكله
والا في احد غيرنا مر بهذه التجريه

بكل صراحه انا اخاف على عيال الناس يروحون يشترون حلويات من هناك ويطلع مب شي ويصير لهم تسمم

فذمتي اني ابي الخير ولا فنيتي اقط الارزاق

ياليتني خليت الحليب علشان اثبت لكم صحت كلامي

حرام والله ياخذون الفلوس عنها ونحن نشتري عنهم ونشوف تاريخ الصلاحيه ويبين انه بينتهي بعد مده طويله

وآخر شي يطلع مب زين ونفره زباله المعني اني فريت فلوسي زباله ولا استفدت منها وهذا طبعاً حرام والله بيحاسبني على كل فلس طلع من جيبنا


هذا نداء للجميع وخاصه بلدية راس الخيمه لكم الاجر فيه بإذن الله تعالى

عني انا بلغت رسالتي بكل امانه

اللهم قد بلغت اللهم اشهد

ويزاكم الله خير

[العنود]

لاحول ولا قوة الا بالله
ويزاج الله خير

[سفير الامارات]

يزاج الله خير ع التنبيه

[طير الحر]

مشكوره ع الخبر

[وصلاوي]

حتى نكون منطقيين
ما دام الحليب او الحلويات لا تزال صالحة فان المحل غير مسؤول عن تلفها الا في حالة واحدة وهي سوء تخززين عمال السوبرماركت للمواد الغذائية مما يعرضها للتلف حتى وان كان تاريخ صلاحيتها مستمرا
او ان الجهة الموردة لهذه المواد الغذائية تقوم بالتلاعب بتواريخ الانتهاء وهذا ما يتطلب من البلدية التوجه الى السوبرماركت المذكور والحصول على بعض هذه المواد واجراء الفحوصات اللازمة عليها بمختبرات البلدية للتأكد من ذلك

ودمتم بسلامة

[بو مريم]

أختى ياريت بلغتى قسم حمايه المستهلك فى وزاره الاقتصاد على الرقم 07/2278000

[سفير جلفار]

اكيد السبب هو المخزن ما فيه اي متطلبات تخزين المواد الغذائية .. او انه ثلاجاتهم من النوع المكشوف وها النوع نحصله بكارفور بس تكون قوية مب شرات اللي في السوبر ماركت ..

واذكر مرة صارت لي نفس ها السالفة حليب تاريخه بعده ما انتهى بس ريحته بدون تعليق .. سرت لصاحب السوبر ماركت وقلت له حط ستارة نايلون شفاف ع الثلاجات المكشوفة وعلطول تجاوب وياي وباليوم الثاني شفته مركبنها عشان تحفظ البرودة . والنتجية ان الحليب ما له ريحة ..

اقصد بالثلاجات المكشوفة شرات هاي



وعاد ما ادري السوبر ماركت اللي تقصدينه فيه نفس ها السالفة او لآ ...

[RAKBOY783]

صدقت اخوي سفير وانا بعد لاحضت كذا بقالات ايسكرون الثلاجات بليل عشان مايخسرون بيزات حسبي الله عليهم

[نمراوية]

البقالات المفروض محد يشتري منها بس مرات نكون مظطرين الصراحة البقالة الي قريبة من بيتنا
مرة جابلنا دبة مي كبيرة مال ثلاجة التبريد وفيها تراب؟اي والله
واكثر المرات نمكياتهم طعمها غير بس التاريخ مامنتهي
ومرات مصاص في غبار

استغفر الله
لازم يزيدون رقابتهم على البقالات

[AHMED 0000]

اختي البلدية مو مقصرين تقدرين تبلغين