بسم الله الرحمن الرحيم

السلام عليكم ورحمة الله وبركاته



رسالة طفله الى بابا زايــــد ،،



حبيت أنقل لكم رساله حزينه ،هذي الرساله لطفله تخاطب بها

الشيخ زايد بعد وفاته رحمه الله ...في هذي الرساله تنقل لنا

الطفله مشاعر كل طفل بل وكل إماراتي تجاه أبونا رحمة الله عليه ...


الرساله :

بسم الله الرحمن الرحيم


بابا زايد أنا أحبك ،بابا قالوا إنك سرت عنا وما راح ترجع ولا راح

تكلمنا ولا تسمعنا ولا تعلمنا ،بس بابا أنا أحس إنك تسمعني ،أنا

أدري ومتأكدة بعد، إنت بس راقد عند الله في الجنة لأنك مسلم

طيب تساعد المسلمين وتحب الأطفال والمسلمين وتحب الفقراء

والأيتام ،وما تحب تشوف أي أحد يبكي ويتألم ،لأنك حنون مثل

أمايه وأكثر بعد منها ،حبيبي بابا والله راح أذاكر،راح أحل واجباتي

وراح أقرى الدروس، أحلف لك راح أصير أحسن مهندسه لدولتنا

الإمارات العربية المتحدة علشان أخليها أحلى وأحلى وأحافظ عليها

مثل ما إنت تحافظ عليها ،بابا راح أسمع كلام أمايه وأبويا علشان

لما أشوفك في الجنة برمسك عن إلي سويته للإمارات الي تحبها

،بابا ليش رحت عنا راح

أغني لمن؟ وأرسم صورة من؟ وأبوس من؟ ،أنا ما أعرف أرسم

شي ثاني غير صورتك ولا أعرف أغني إلا أغاني عنك ما حافظه

شي ثاني ،باباتي إرجع الله يخليك إذا ماراح ترجع إخذنا معاك إحنا

نحبك ونباك تكون معانا ..

بابا تعرف شو سويت بيوم الجنازة ؟ رحت أصلي مع ماما ونقرى

القرآن في المسجد علشانك ،ماما قالت لي إنت تحب الأطفال إلي

يقرون قرآن علشان جيه أنا كل يوم راح أقرى قرآن ، وقالت لي بعد

الي ينام مبجر يحبه بابا زايد بس أنا ما قدرت أنام علشان قالوا لي

إنك رحلت عنا ،يلست أفكر وأفكر وايد لين ماتعبت ورقدت وحلمت

إنك معانا تضحك وتلعب وتلون معانا ،حتى سألتك وقلت لك بابا إنت

مو ميت ؟ قلت لي لا أنا معاكم أنـا أحبكم ، كيف أتركم ؟...



بابا الحين بسير أذاكر وبرمسك باجر ..مع السلامه.....




رحمك الله يابوي زايد يا فقيد الأمه .... يا فقيد الإسلام والمسلمين



نقلت لكم هذي الرساله ... لأنها أصدق كلمات من أطهر قلوب البشر

... وهم أحباب الله
م ن ق و ل