المال مسباحي وانا دون مسباح
والفقر عكازي اذا شان طبعي
وما دمت انام ومرضي الله ومرتاح
ما همني لو قالوا الناس رجعي
حظي دموعه بحر والحظ تمساح
لكنه اصدق من تماثيل ربعي
على الاقل ان راح ادري بان راح
ما ابني احلامي على راس صبعي
وما ابني احلامي على الشعر يا صاح
والشعر شعرة بين عيني وضلعي
الشعر بيني وبينه احزان وافراح
من يوم خاواني نقشته بدمعي
والشعر لو هو طاح عندي فلا طاح
ولو قصت اذانه انا اهديه سمعي
الشعر كنز بقفل والصدق مفتاح
وانا ملكت كنوز شعري بسنعي
لي في الشعر مركب وله في ملاح
والليل هو بحري وبه جل نبعي
رابع ثلاثتنا طلع لي بمصباح
يوم انه كل همه يميت شمعي
هو ضاق من همّه وانا عفت الاتراح
والجرح جمّع ناره بطين زرعي
سبحان من جمّع من الجن مناح
ومناح من انسه وذا الوقت ينعي
كنت احسب الحزن يا صاح من لاح
طيفو بني ادم على الحزن يدعي
اثر الحزن غيمة عرمها اذا انزاح
عن ارضنا شكّل لهم الف صدعي
مثلي ضلوعه ناسية كله الانزاح
والحزن متأسس ولا هو بفرعي
وما دمت انام ومرضي الله ومرتاح
ما همني لو قالوا الناس رجعي
الشاعر/ عبيد اليليلي
خاص
N_4800
Just_me
خيماوي_2000
رد مع اقتباس