البنت التي لاتجيد الطبخ ..!

[كــلام الــملوك لا يــعاد]

السلام عليكم ورحمة الله وبركاته

شوفوا البنات اللي لسى يتعلموا الطباخه كيف يسووا بالأكل

مصائئئئئب

السلام عليكم ورحمة الله وبركاته

البنت اللي ماتعرف تطبخ.. هل تصلح تكون زوجة!!!

هل راح تقبل شريكة حياتك بهذا الشكل!!!!



هناك أسباب لهذي المشكلة وأهما:

1- وجود الخادمة
2- الأنشغال بالدراسة

ولكن ،،،
1- هل تقبل تتزوج بنت ماتعرف تطبخ؟
2- هل تقبل على اساس انها تتعلم بعد الزواج او في فترة الخطوبه؟


وأنتي
3- هل تتزوجين دون أن تعرفي شيئا في المطبخ؟؟وما موقفك اذا رفضتي لهذا السبب؟

__________________

[ابتسامة رضا]

وعليكم السلام ورحمة الله وبركاته

معقووولة الحين هذا طبخ بنات لايكون غلطان لأن هذا شكلة طبخ شباب ههههه

بس الصراحة لازم الوحدة تتعلم تطبخ وما تتكل مول لشغالات وأكلهم

وهذا دور الأم تحبب الطبخ لبناتها وفي صادفتني وحدة كنت أرمس وياها

وطبعا" حرمة كبيرة قلت لها ليش ماتعلمين بناتج الطبخ لأن بينفعونج بعدين ونفس الوقت

يعتمدون ع نفسهم قالت لي لأ ما بعلمهم خليدرسون أحسن, وهذا شيء وايد غلط

لأن البنت لو ما تعلمت تطبخ وقالت لاحقين ع الطبخ ما أضني بتتقن الطبخ عقب

وبس خلصت هذا اللي عندي وسمحووولي

[راعي الجيتي]

طال عمرك .. انا معااك بالموضووع .

لكن الطبخ موهبه وليس فرض على البنت اساسا .. نحن تعودنا ان البنت او الحريم يطبخن .. لكن لا في الشرع ولا في الدين قال ان الحرمه عليها الطبخ .

شوف الاعراف بين النااس ان الطبخ على الحريم ، لكن اللي الناس ماتعرفه ان هذا مش فرض على البنت .. وانما صار ان البنت نحن تعودنا انها تطبخ ..

حتى في الدين ماتلنزم البنت او الحرمه في الطبخ وانما علي الاثنين المشاركه..


الحين نص طبااخين العالم هم رياييل ..


والسمووحه طال عمرك .

[دانة بغداد]

طال عمرك .. انا معااك بالموضووع .

لكن الطبخ موهبه وليس فرض على البنت اساسا .. نحن تعودنا ان البنت او الحريم يطبخن .. لكن لا في الشرع ولا في الدين قال ان الحرمه عليها الطبخ .

شوف الاعراف بين النااس ان الطبخ على الحريم ، لكن اللي الناس ماتعرفه ان هذا مش فرض على البنت .. وانما صار ان البنت نحن تعودنا انها تطبخ ..

حتى في الدين ماتلنزم البنت او الحرمه في الطبخ وانما علي الاثنين المشاركه..


الحين نص طبااخين العالم هم رياييل ..


والسمووحه طال عمرك .

أنا معاك ويسلم ثمك عالكلام الزين ياراعي الجيتي

[كــلام الــملوك لا يــعاد]

أولا أشكر راعي الجيتي وأبتسامه ع المرور

وثانيا انا بصراحه ما أقبل أني أتزوج بنت ما تعرف تطبخ ... أصلا بنات ها الزمان ما يدشون المطبخ الا قله قليله عيبتنهم الراحه

والسبب يعود للام انه مخليه البنت على راحتها ....

[rak-storm]

والله صدقتك يابوسلطان بنات هالزمن يدورون الراحه ..... اذا اتزوجتها بتقول لك هات لك خدامه تطبخ لك !!!! .... شو هالحاله ؟؟ وين حريم قبل ؟؟؟ ........... والا بعضهم يبون بعد مربيه حق الضغاريه ههههههه والله لو شو مايستوي ما اهد عيالي حق مربيه ........ شو بتقول غير لاحول ولاقوة الا بالله ........ الله المستعان

[راعي الجيتي]

الطبخ في اوروبا من العوامل الغير رئيسيه ولاني عشت في امريكا تقريبا 4 سنوات ، وسكنت عند عده عوائل ..

ماشفت ان بنت او حرمه تجيد الطبخ حتى 50% وانما شفت ان الرياييل يطبخون مع الحريم ..

الطبخ يكون عندهم في اوقات مثل الصبح فقط ، واما الاوقات الثانيه فياكلون خفيف مثل فواكهه او سلطاات او حتى عصاير .


لكن انا معااك لو تقصد ان االزوج مسؤول خارج البيت .والزوجه كسؤوله دااخل البيت كونها موجوده اكثر الاوقااات ..


فالنقطه الرئيسيه على كل بنت خلنا نقول انها تحافظ على بيتهااا وماترضى ان تأكل عيالها او زوجها اكل (_بايت) او اكل خربااان ..

لان (الام) او (الزوجه) عليها دور 70% في التربيه والنشأ والتاديب ..

معظم الحريم عدنا مايقبلن ان عيالهن يباتون او ياكلون اكل تعباان ، فتشوف ان الحرمه تهتم فالدرجه الاولى من ناحيه الاكل لان هذا شي مهم ..


صدقني اذا الحرمه تحط في راسها الطبخ يوووو يووو بتفقرك ، الصبح طبخ .الظهر طبخ ..المغرب تجهز حق العشااا ..


وعقب ايوون الريااييل ومايعجبهم العجب ويوقولن ان الحريم ريحتهم طبخ وماتفضى حق الرياااال ..


ابووي خل كل شي على (سجيته)احسن وعشاان تعيش حيااتك وانت مرتاااح ..

الواحد مايموت من قله الاكل ..بالعكس عدنا الخير زايد اللهم لك الحمد .


السمووحه طال عمرك في رايي .

[المتميزة]

الموضوع يحمس ع المشاركة .. بس احس المشاركات للشباب اكثر ملائمة ..

لذا سأكتفي بالقراءة ..

(( راعي الجيتي )) عجبني ردك و اقناعك بوجهة نظرك .. اسلوبك جميل في المناقشة

و أنا اؤيدك فيما قلت ..

[راعي الجيتي]

الموضوع يحمس ع المشاركة .. بس احس المشاركات للشباب اكثر ملائمة ..

لذا سأكتفي بالقراءة ..

(( راعي الجيتي )) عجبني ردك و اقناعك بوجهة نظرك .. اسلوبك جميل في المناقشة

و أنا اؤيدك فيما قلت ..

احم احم تبغين توهقيني ..

كل الشكر طال عمرج والردود يجب ان تكون حضاريه .

وشكرا لج على مشاركتج

[ميمي فلاحيه]

مرحبا ,,,انا بنت واقول شو فيها اذا ماعرف اطبخ!!!! مافيها شي عادي ,,واذا عرفت انه في واحد تقدملي وبعدين غير رايه عشان ماعرف اطبخ ,,بستانس عشان ماتورطت معاه ,,,,