منقود؟؟؟
مرحبا
اعرف ان طالت غيبتي عليكم بس ظروف الدراسه اجبرتني
المهم بدون مقدمات
عندي موضوع وحابه اتناقش فيه
خروج البنت لوحدها دوم محرم هل هالشي عادي ولا منقود عند العرب
الحين لو وحده حابه تروح المول او مطعم او اي مكان لازم يكون وياها اخوها
او اي احد من الرجال ولا عادي لو تروح بروحها وبسبب التطور اللي حاصل
والثقه الموجوده عند الاهل تروح بروحها ...
اسمحولي على الاطاله
اختكم
قد الحب
الانسان حديث من بعده فكن حديث حسن
انا عن نفسي اروح وي عيالي( 2)
ماحب اطلع بروحي تجنباً للمضايقات
أهلا بعودتك ..
سأجيبك من ناحيتين
الأولى رأي العرب و خاصة دول الخليج :
لا يسمح بخروج المرأة بدون محرم .. و اذا خرجت ستكون نظرة المجتمع نحوها بأنها غير متربية
و غير محترمة ..
الناحية الثانية .. رأيي :
لا ارى في ذلك حرج .. ان كانت محترمة و ايمانها بربها قوي ..
ثم ان حدث و اخطأت ,, ستتحمل هي الخطأ ..
نرى الرجل يفعل ما يشاء فيخطئ و يخطئ .. اما المرأة ان أخطأت مرة (( و ليس فينا معصوم ))
يقااام عليها الحد من اهلها و من المجتمع ..
بينما يقول الله في كتابه (( السارق و السارقة فاقطعوا أيديهما ))
و قال ايضا (( الزانية و الزاني فأجلدوا ))
و ما كان ربكم بغافل عما تعملون !!
موقنة بــــ أن أمانّي قد حان قطافها
مرااحب .. يااهلا~
اجوف القسم منــــو اتاري قد الحب اهنييه ~ هع
الله يسهل عليج الامتحانات ~
ع اساس المووضوع ان البنت تظهر وحدهاا هذا يرجع للأهل وحسبت تربيتهم للبنت
اذا هذي البنت تستحق الثقه او لا ..!
وهذا ...~!*
يبني ع اساس شخصيه البنت وكيف يكون اسلوبهاا وتعاملها واخلاقهاا ..
انا اقول الافضل للبنت انهاا تظهر مع محرم
1- اول شي عسبت تتفادى كلام النااس 2- وثاني شي لتكثره تحرشات الشباب للبنات ~
مسموحه بالحل ~
ويسلموو ع المووضووع ~
دمتي بود ~
طبعا مافيها شي
بس محد بيرحمها ..لا اهلها ولا المجتمع
والحل توزنها ....
وشو رايكم باللي تحوط بالمول بروحها ؟
الاجابة عندكم
وتحياتي
بلادي الإمارات **وطني الإمارات**هويتي الإمارات
والله انا اجوف انه البنت يوم تظهر مع اخوها او من محارمها يكون افضل لها من ناحية انه الشباب مايرومون يتحرشون بها ... اما اذا البنت واثقه من نفسها وايمانها اقوي عادي تظهر وماعليها من كلام الناس خلهم يرمسون لين ماينقعون ......
"" كلام الناس ينداس ""
والسموحه
ماهمني في الناس قيل(ن) وقايل .. .. من يقتنع في خطوته يكمل السير
تسلموون على الرد
الانسان حديث من بعده فكن حديث حسن
اناا الصرااحه يوم اسير المولات اشووف البناات يتمشوون وياا رباايعهن او خوااتهن
بس اناا أفضل ان البنت تسير المولات وياا اهلهاا>>أخووهاا ابووهاا
ثانكس ع المووضوووع الحللو
يعطيج العافية أختي أختي قد الحب على هالموضوع الجميل والرائع
انا من رائي أن خروج البنت بروحها للسوق غلط لأن عيال الحرام وايد
وما يصدقون يشوفون وحده في السوق الا لحقوها بس الحين الكثير
من الناس تغير تفكيرها وصارت البنت تظهر بروحها متطيبة متزينه
وهذا اكبر غلط
وانا انا اقول أسالو أهل العلم فهم أخبر في هالشي
والله يحفظ بناتنا انشاء الله
أكيـــــــــــــــــــــــــــــــد منقود بس شو بيقول الواحد انعدمة الغيرة لا وطالعين طلعة يديدة الثقة أوكي الثقة حلوه بس للي يستاهلها تعالوا انشوف الواقع ونضحك موب يقولون شر البلية ما يضحك طالعوا الطاسات و الفل ميكب و المصخره في مولاتنا
ضوابط المشاركة
رد مع اقتباس
