مبروووك انت فائز ب 100000 درهم من اتصالات

[الجوري الأسود]

السلام عليكم ورحمة الله وبركاته

إخواني بغيت احذركم من طرق النصب التي كثرة هذه الايام

فالجماعة هذيلا يتصلون على انهم من الاتصالات وان رقمك فائز بقيمة 100000 درهم مقدمة من اتصالات وعسب تاخذرقم الشيك لازم تعطيهم رقم 5 بطاقة رصيد بقيمة 100 درهم
المهم هذا رقم من الارقام اللي يتصلون منه 0561213168 تقدر اتجرب

اتصل على ها الرقم وقول انهم اتصلوا لك من الاتصالات وقالوا انك فايز واسمع شو يطلب



ولا حظ ان تركيز هؤلاء على كبار السن والصغار فرجاي منكم انكم اتنبهون اهاليكم واخوانكم من كيد ضعاف النفوس والله يحميج يا بلادي



ملاحظة : الجماعة اتصلوا بأمي وطلبوا منها ما تقدم ذكره.

[%غمـــازة%]

بلـــــــــغ الشرطــة أخوي و عطهم الأرقــــــــــام :/

هم بيتصرفــــــــــــون .. ..

[^نــمــورة^]

شكرا على التنبيه

[▌║ℳř Ŏบị ~♛]

وعليكم السلام ورحمة الله

هلا اخوي

هيه والله صدقت .. وانا يالي اتصال من نفس الرقم قبل اسبوع اوونــــه فايز بـ 200,000 الف درهم
ورديت عليه وعرفت انهم هاي الجماعه مال النصب تميت اساير وياه واطنز
هههههـ وآخر شي قلتله انته جذاب ونصاب عصب وزعل وقال سكر سكر مابعطيج الجايزه
قلتله اي جايزه يانصاب بروحك حافي ماعندك بيسه هههههـ

والمشكله اول واحد رد علي كان هندي ويرمس انجليزي بس مايعرف يرمس اللغه تنقيعات هههههـ
عطاني هندي ثاني يرمس عربي ولايعرف يرمس ينقع اخس من الثاني والله حاله

سكرت واتصلت على الشرطه 999
وخبرتهم عن السالفه قالولي تعال المخفر وبلغ عنه في قسم البحث والجريمه
الصراحه ماتفيجت اسير

بس انتبهووا

وشكر

[%غمـــازة%]

سكرت واتصلت على الشرطه 999
وخبرتهم عن السالفه قالولي تعال المخفر وبلغ عنه في قسم البحث والجريمه
الصراحه ماتفيجت اسير

اسمحلي عالإقتبــاس Mr. Wii


وااايد نـاس يقولون نفس العبارة،، متفيج أروح !! صح كلامهم

و اذا حد بإسمه أكثر من رقــم، كل يوم بيروح المركز يفتح بلاغ !!




اخوي الذهب،، ليش ما تحطون رقم خاص بهالشكـــاوى فقط !! أسهل.. ..



صارت الحركة معـاي و كلمني واحد بنغالـــي،، ما كنت متفيجة حق حد و طلع هو يتفلسف بالعنجليزي ،، سمع صوتي معصبة قال بنتصل بعد 5 دقايق شكله خاف وما اتصــل

[الكتووومة]

هي صدق.....اتصلوبي بس جذبتهم اخف شوي قالو خمسة الاف درهم ‏++
والمشكلة هنود.....يعني اللعبة مكشوفة انا عن نفسي قلتلهم انشاااالله وطنشت الموضوع

[النبراس]

شكرا على التنبيه

[رمش الغلا]

تسلم اخوي ع التنبيه

[الجوري الأسود]

صح يا جماعة كانوا هنود وكنت اعطيه رقم الباركود ما الكلينكس ولا ما الصابون فكان يعصب يقوووول هذا غلط فا في رصيد

وازيدكم من الشعر بيت شكلهم امعينين واحد بتاني لانه هو كان الي يكلمني يوم اتصلو ا بوالدتي بتقولون كيف عرفت انه بتاني؟؟

لان كان يقولي بطاخة........ اسأله بطاخة شو ها بعد ؟ فيرد بلهجة اماراتية لو والله اخليه يفج حلجة يقول ح ولا ق بتم ينطق خاء (" طولي بعمرك بطاخة ب 100 ربية )

فا تنبهوا اخواني من هاي المصايب الداخلة علينا..... والله المستعان

[ولد بلاد]

شكرا على التنبيه