السلام عليكم ورحمه الله وبركاته
دفعة يديده , دفعتي اللي طافت خلصت خلال 6 ايآآم
هالمرة بستقبل الطلبيات لتاريخ 31 - 7 بس ,, لاتحرجوني يابنات وياكم ><
, يبت لكم اليوم زيت للشعر ,, كل اللي استخدمه , رد ياخذه مره ثانية
الزيت خالطة فيه عدة زيوت ,, ام ربيعتي هندية عطتني اياها , سألت عن الزيوت , واذا ينفع اخلطها ويا بعض ولا .., وبالفعل ., يابت نتيجه وايد واضحة .
طبعا انا كنت ابيعه قبل بس وقفت لفترة ,, بسبة الدوامات واليهال , والعضوات ردوا يطلبونه مني , فقررت اني ارد ابيعه مره ثانية بس لفترة محدودة بعد .
طبعا كل اللي فعايلتنا يستخدمه و ربيعاتهم بعد يطلبونه منهم .., انا ما امدح فالزيت ., انا اقولكم الواقع .,
وها شعر بنتي ., استخدمت لها الزيت من 6 اشهر ,, ويطول وارد اقصه .., حتى لو لاحظتوا كثافته .., من الزيت ومن كثر ما ااقصه لها , انا ماكنت ابيه طويل كنت ابيه يكثف بس , واللحين دام انه كثف خلاص بخليه يطول
[ قولوا ما شاء الله ]
طبعا ما احلل لـ اي وحده تاخذ الصورة وتستخدمها لأي غرض كان
كثير من البنات اللي كانوا يعانون من تساقط الشعر من اللي صارلهم من الحنه السودة استخدموا الزيت واللحين الحمدلله رد شعرهم من قبل واحسن .., حتى لاحظوا ان اللون الطبيعي لشعرهم قام يطلع بسرعه , وحتى مرت اخوي ., من ولدت قام شعرها يطيح وعطيتها تستخدمه , واللحمدلله وقف التساقط , ونشر شعر يديد , وبتلاحظون بعد انه يطلع فأماكن بالاساس ماكان فيها شعر
الزيت ابيعه فدبة نص لتر , بـ 200 ,, اسعار الزيوت اللي اخلطها غالية شوي وتكلفني وايد يوم اسوي كميات
الدبة تكفي لشهر ونص لو استخدمتي الزيت ثلاث مرات بالاسبوع ,, وطبعا هي المدة المثالية .
واللي بتاخذ بالجملة بعد لها سعر خاص ..
وللعلم بس , الكمية هالمرة محدودة , صعبه علي ارد ايييب الزيوت اللي اخلطها ’ الكمية هالمرة كفت لـ 24 حبه وان شالله بتكون آخر كمية , ادري انه شوي بس والله الشغلة متعبه ومب منها إلا ربح بسيييط جدا .
طبعا التوصيل ., فقط لدولة الامارات
عن طريق شركة توصيل سلم واستلم .,
والطلب عالخاص والاستفسار عالعام ,
وابي هالبيانات تكون كاملة
الاسم :
العنوان : الامارة : المنطقة :
الرقم :
الكمية :
ملاحظة : الصوةر لشعر بنتي من اسبوعين , لو تشوفون صورة شعرها اللحين مابتصدقون , ما شالله عليه , لاني بطلت اقصه طال 2 سانتي خلال اسبوعين بس
اللي ماتبي تطلب ترفع لي الموضوع بدعوة حلوة لي وللي عطتني الخلطة
رد مع اقتباس
