السلام عليكم ورحمة الله وركاته
الرجاء قراءة الموضوع جيدا لانه كل شي مشروح فيه وواضح ..
ابدعي واستمتعي وانتى اتعدين اسهل وارقى السويتات سواء للعايلة او اذا عندج مناسبة وحبيتى اتسوين توزيعات للمعازيم وخاصة الحين وقت رمضان ان شاء الله ايبلغنا اياه وياكم
والعيد وعقبها اعراس وعزايم
ووفري على نفسج عناء الطلب من خارج المنزل
مع
ميني ملال البورسلين الابيض المميزة
ممكن اتحطين فيها اي شي
وأوعدج انه بيطلع حلو ومرتب ويرفع الراس بالضبط مثل الفنادق والبوفيهات
حتى لو انتى مبتدأة فى عالم الطبخ
فما بالكم بخواتنا الطبيخات المبدعات ..
اخليكم مع الصور
لاحظي عدل فيها ثلاث اشكال وأحجام غير عن بعض
وهذي بعض الافكار السهلة اللى ممكن اتسونها وهي من تطبيقي
هذى صورة اقرب للأشكال الثلاثة
واهنيه الفرق بين الحجم الصغير والكبير
وهاي صورة جماعية مشكلة فيها الصغار والكبار مع بعض
لحد هنيه كان الموضوع القديم الحين بحط التجارب اليديدة
كب كيك فى الملال اللى بالحجم الوسط
سويته فى الصينية وبعدين نقلته للملال لانى مااعرف اذا تتحمل الحرارة ولا لاء بس المرة الياية بجرب ان شاء الله
طبعا مازينته لانها كانت تجربة وعيالى كانوا يوعانين
شوفوا هشاشة الكيك
وبعد جربت وحطيت فيه تبولة وفتوش
وطبعا ممكن اتزينون بشعارات السكر الجاهزة مثل كاب التخرج او حركات اليهال باللونين الازرق والوردي للمرابي
والحين المفاجأة اليديدة
الحجم اليديد الكبير XL
حطيت فيه كشري من صنع ايدية وحياة عنية
السعر
طبعا اقل كمية للطلب درزن يعنى 12 حبة ومضاعفاته
ماعدا الحجم اليديد ممكن ينطلب اقل شي 4 ومضاعفاته
فبيكون كالتالي
الملة الصغيرة "رائعة للسويتات واكثر الطلب عليها"
سعرها درهمين ونص للحبة
يعنى الدرزن ب 30 درهم
متوفر منها شكلين مثل ما هم واضحين فى الصورة
واحد دائري والثاني يشبه الكب كيك
والملة المتوسطة (الكبيرة سابقا) مناسبة للسويتات والسلطات
سعرها 4 دراهم للحبة
يعنى الدرزن ب 48 درهم
والحجم الكبير اليديد "ينفع للأطباق المالحة أكثر"
الحبة ب 6 دراهم
4 حبات ب 24
واكرر واقل كمية من هذا الحجم 4 حبات ومضاعفاتها يعني 4- 8- 12 وانتو طالعين ..
يبالكم عاد تحفظون جدول الضرب خخخخ
اللي حابة تتطلب
اتطرش لى بياناتها على الخاص
الاسم
العنوان
رقم الهاتف
وبطرش لها رسالة لتأكيد الطلبية اذا ردت علي
ان شاء الله بوصلها الاغراض
خلال اسبوع الى 10 ايام
والدفع سلم واستلم
قيمة التوصيل 25 لجميع الامارات ماعدا الغربية 45
درهم لاول 5 كيلو ويزيد حسب ما تطلب الشركة
كما هو متعارف عليه لدى الجميع
وما عندي توصيل مباشر لازم عن طريق الشركة حتى لو كانت من نفس امارتي
اخيرا شوفوا صورة جميع الانواع مع بعض
بنات امانه اللى مترددة لا تطلب لانه بس تطلع الطلبية تنحسب علي التوصيله
ومع انه الحمدلله لحد الآن ما استوي وياي هالشي الا انى بالفعل مارح اسامح اللى اتسويه
وحياكم الله ..
رد مع اقتباس
المشاركة الأصلية كتبت بواسطة محمد 2008
