الزواج المبكر

[قد الحب]

السلام عليكم ورحمه الله وبركاته

في بعض الامور تشدني في الحياه تحصل في زمنا هذا

الزمن تغير بعض الامور احسها ترجع للورا يعني>>>زمن اجدادنا

انا لاحظت اللي حاصل بوقتنا الحالي ان البنت تتزوج بسن مبكر ولا انتو مالاحظتو؟؟؟

في الفتره الاخيره سمعت وايد بنات من خلصو الثانويه عرسو وشي بنات قبل لا يخلصون

انا الصراحه مش من المؤيدين

وانتو تأيدون زواج البنت بسن مبكر ولا تفضلون انها تكمل دراستها ولاحقه على الزواج؟؟!


اتمنى النقاش

اختكم

قد الحب

[دلوعة أهلها]

مشكوره اختي قد الحب الصراحه الموضوع وااااااااااااايد حلوا يمكن في ناس وايد غفلوا عن هذه النقطه احيانا اكون مؤيده الفكره ان البنت تتزوج في وقت مبكر الصراحه وقتنا هذا وااايد يخوف والواحد يخاف على بناته من المصايب اللي نسمع عنها واحيانا اكون من اشد الرافضين له لان في بعض العائلات تجبر البنت على الزواج قبل ما تخلص الدراسه وبعدها ما تنجح في حياتها الزوجيه لانها صغيره وتنتهي العلاقه بسرعه وتكون خسرت دراستها وخسرت بيتها بسبب غلطت الاهل وافكارهم وفي النهايه ما يصير الا اللي يكتبه الله علينا

[Her Highness]

والله الزواج ماله مبدأ معين فالحياه يعني ع حسب البنت والشخص اللي متقدم الها


لو كانت هي مستعده تتحمل هالمسؤوليه وتكون قدها فشو المانع و الشخص اللي متقدم


الها فيه كل الصفات المطلوبه والمرغوبه ...


في بنات مايحبون الدراسه او مب من ميولهم ومهما راحت فوق او ردت تحت البنت مردها بتعرس


وبتسير بيت ريلها مهما خذت اعلا الشهادات ..


ولو تبا تكمل دراستها اكيد مافي شي بيردها ومن البدايه تقول انها تبا التكمل ..

[كحيل العين]

اولـ شي..تسلمـ اخووي عالمووضوعـ ..
ويعطيكـ العافيهـ ..

وثاني شي..صحـ كلامـ ..امـ دحماني..
واضيفـ عليهااا..انـ الاهلـ مرات يفكرونـ انـ هذا نصيبهاااا..يهـ ..يمكن ما اي بعدهـ ..
ولا شايفين..الولد..ماشاللهـ عليهـ ..ما عليهـ ..كلامـ ..يعني اكيد ما بيحصلوونـ شراتهـ ..عسب جي يوافقوونـ ..
وبعد..يمكن البنت هب فالحهـ بالدراسهـ ..قالتـ والاهلـ قالوو..تتزوجـ احسن لهاااا..


وبس..

والسموحهـ ..

[Champion]

مرحبا الشيخه
اشكرج ع الطرح المميز ..
انتي الصراحه قلتي انج لستِ من المؤيدين للزواج المبكر لكن لم تبيني لنا ما الاسباب التي جعلتك ان تحكمي على الزواج المبكر بهذا الحكم.. يمكن لج وجه نظر وتحاولين تقنعينا..
البنت مصيرها الزواج والاستقرار في النهاية وكل شي مكتوب عند ربنا ، كل بنت ولها نصيبها ف الحياه سواء كان زواج مبكر ولا متاخر.
فهذه القضيه اصبحت قضيه العصر بعد ان كان اهم متطلبات البنت سااابقا في ايام اجدادنا وامهاتنا]بالنسبه لي...
الزواج المبكر له سلبياته وايجابياته
ببدأ بالسلبيات..
اولا : ان الزواج له مسؤولياته ولازم البنت تكون في كامل الجاهزيه لهذا الزواج. فالزواج له مسؤولياته والزوج له حق عند زوجته ويجب ان تعرف كيف تتفاهم وتتعامل مع الزوج ويمكن باجر اذا قدر الله يكون عندهم عيال ولازم تكون مستعده تربي اجيال المستقبل التربيه الصالحه.
ثانيا: التعليم يساعد بشكل كبير في تهيئ الفتاه للزواج وبزواجها المبكر قد تحرم نفسها من تكمله دراستها وحتى لو كملت بعد الزواج (فأنا اتوقع بان الفتاه ليس لديها الوقت الكافي للدراسه، وانا بالنسبه لي ليس فقط ان ادرس وانما اجتهد واتفوق في كل خطوه اخطوها)
اما الايجابيات..
ليس لنا الا ان نتوارث الماضي بكل اشكاله فهذه عادات اجدادنا ويجب ان نمشي على خطاهم.. فهم لديهم رؤيه بذلك (فهم يريدون ان يتقارب عمرهم بعمر ابناءهم حتى يسهل عليهم الحديث والكلام مع بعضهم البعض). فنادرا نرى ف السابق اختلاف كبير بين عمر الآباء وعمر الابناء مما يقوي العلاقه بينهم
النبي صلى الله عليه وسلم تزوج بعائشة وهي بنت تسع سنين وكان من أنجح الزيجات، ولكن قد لا يقاس عليه غيره؛ لأن النبي صلى الله عليه وسلم معصوم من الخطأ وبالتالي سيكون تعامله نموذجيا..اذا كان فيه تفاهم بين الطرفين على الامور التوابث والامور التفصيليه فهذا بيكون شي طيب وسيستمر الزواج ان شا الله في المستقبل.

ان شا الله مااكون ثقلت عليج ..
اسمحيليه ع الاطاله
تقبلي مروري

[الشاكي83]

مشكوره اختي قد الحب على الموضوع الرائع وانتي دائما تفاجئينا بمواضيعج الشيقه
انا من رائي الزواج المبكر شيء جيد جدا لانه يبعد الشاب والشابه عن كثير من المصايب الي نشوفها الحين في ظل الفضائيات ويحملهم المسؤوليه
والزواج ماله وقت اصلا لان الزواج قسمه ونصيب وكل واحد في هذي الدنيا يتريا قسمته
و الرسول عليه الصلاة والسلام يقول وينصح الشباب ( من استطاع منكم البائة فلتزوج )

وفي بنات الله يهديهم ما يرضون بالنصيب ويعندون عسب يكملون الدراسه وعقب يدورون على عمل لي تعنس وعقب تقول يا ريت رضيت بنصيبي
وارجو ان تتقبلي مروري والسموووحه

[جروح]

المهم اتخلص الثانويه وعقب اتعرس عاادي مافيها شي

واتييب عيال عسب يتربون وياها وهيه صغيره ويكبرون ويا بعض وحلو هالشي

[جريحة زماني]

انا من رايي ان الزوااج مهو بعيب بس الافضل ان تكوون مستعده له يعني بعد ما تتعلم وتشتغل عسب تخدم عيااالهاا فهاااي الاياام ما حد يقدر يشتغل ولا يسوي شي من غير شهااده لكن لوو تشووف الزوااج بيسترهاا وتحس نفسها بتغلط أي غلطه يمكن تدمر حيااتهاا هااي عااد تتزوج

وهاا مجرد رااي

والسمووحه

[مجلسي عامر]

البنت لا ياها نصيبها زين ..تعرس و شو المانع تكمل دراسه بعد الزواج ؟؟؟

اما اني ااجل الزواج عسب الدراسه ..فاحس شي غلط لانه الريال الزين بهالزمن ما يتعوظ ...

[قد الحب]

تسلمون ع المرور الطيب

انا من الرافضين لان بعض البنات بعمر 17 او 16 يتزوجون وهم مش قد المسؤليه ابدا

والله انا اعرف ناس عندهم شهادت الثاني ثنوي وهم معرسات وظهرو من المدرسه يعني ما خذو

شهادت الثانويه العامه الحياه الحين وبهالزمن بالذات مو بس تتطلب الثانويه بعد يطلبون الجامعه

وبعض البنات يعني صدقني يتزوجون بس عشان اهلهم يعني مو برضاهم

الزاواج مو لعبه يحتاج الى مسؤليه وراهم عيال

ام دحماني تقول لك شي بنات مايحبون الدراسه عيل هاي البنت عرست لازم تحبب عيالها ومنو بيدرسهم

و غيرها من الامور الانسان لازم يكتفي بعلم

البنت لاحقه ع الزواج شو بيصير فيها اذا تعلمت

تسلمون ع المرور