ذبـحـنـي صـمـتــك اللي يـشـابـه وحـشـة غـيـابــك : )|~

[MiNoOo 87]

السلام عليكم و رحمة الله و بركــاته

احم احم من زمان ما حطيت موضوع

الله يسلمكـــم اليوم قاومــت و واصلت إلين صلاة الظهر و عقبها رقدت ،، و صورت لكم جمن صوره ،، و سرت الروضه أنغام اليهال مختلفه فالصياح واحليلهم هههه ،، و عقب مدرستين و رديت بيتنــا >> بتقولين قصة حياتج مثلن ،،

و تفضـــلوا شروق الشمس >> تحاول تبدع أونهـا شراتكم

ذبـحـنـي صـمـتــك اللي يـشـابـه وحـشـة غـيـابــك .............................
.............................هـلـكـنـي لـيـن ما نــاخـت ركـاب الصبر وعزومه

تـعـبـت آكــرر الـمـشـهـد أدوّر يــا خــطـــأ بـابــك .............................
.............................ولـكـن مـا لـقـيـت الـحـل قـضـيتي غير محسومه

عـجـزت آفـسـّر غـيـابــك وحـارت فيني أسـبـابك .............................
.............................عـجـز قـلـبـي يصـدقـنـي وانـا عـن جـد مـا لومه

أعـيـش الخـوف بغـيـابـك وانـا مـيـّت وأحـيـا بك .............................
.............................وذيـب الـهـم مـسـتـوحش صبغ من دمي هدومه

بـــــــيت الله

بــــــــــاص بــــــــــاص بـــــــــــاص

بـــــــــــاص المدرسه

احم احم عصفــــــــــــــــــــور كيوتـــــــــــــــي

السموحـــــــــــــه ع القصـــور

أتريا تعليقاتكــــم و تقييــــــــــــــمكم لو عيبكــــم الموضوع

[رآقـي]

ياسـلآم

مونسه عمرج هههه

الله يسعدج

مشكورة اختي

بالتوفيق ^^

ربي يحفظج

[شباصة منقصة]

صبــــــآحج و مســآج ورد الكادي و الياسمين

ما شاء الله عليج اليوم انتي متونســهـ ^^

عســـــآج دوووووم مــوب يــــــوم

وناااااااااااسـهـ يوم انواصـل <<< و لا بعد حلاتهـ يوم انخرف و نتخبــل فالبيت ^.^

تصـــويـــرج غااااااااااااااوي

فديــت الصفصــوف الصغيــرووونيـ

[MiNoOo 87]

راقــــــــي : )|~

هيه مسويه جو حق عمري واحليلني ههههه ،،

و يسعددددددددددك ان شاء الله ،،

و يوفقك و يحفظك ان شاء الله ..

شباصــــوه : )|~

مسا النور و السرور ،،

هيه الحمدالله .. و يسعدج يارب ..

اسميني اليـــــــــــوم خرفـــــــــــــت صج هههههه ،،

مرورررررررررج الأحلـــــــى ..

ما عليكم زود ،،

ربي يحفظـــــــــــــــكم ..

^________^

[بقايا جروحك]

يا سلااام حسيت كل ما انزل صووره الشمس تطلع ونااسه

ما شاء الله حلووه الصوور

سلمت ايدج على هيك تصووير

في حفظ الرحمن

[سفير جلفار]

هههههههه اليوم الدنيا ربشة الصبح هاه

كل وحدة شايلة عيالها اوعيال خواتها وخوانها ومن مدرسة لمدرسة خخخخخخخخخخخ توزيع ^^

بس ارف الواحد ينش من الصبح وعينه تغمض وتفتح هع

اما لو كنت راقد من وقت وناش من وقت هذيج الساعة بتكون احلى نشة وفيها نشاط بالقووو وانتعاش بجو الصباح الحلو << عايش الجو هههه


ابدعتي اختي مينو بالتصوير

ونتريا يديدج

[MiNoOo 87]

بقايــــــــا جروحـــــــــك : )|~

ههههههه احم عيشتج الجو يعني >> صدقت عمرها خخخ ،،

الله يسلمج و يحفظج ان شاء الله ^_________^"

سفيررررروه : )|~

هههههههههه هيه والله و العيال واااعهئهئهئ > > يصيحون خخخ خلصت دموعهم اليوم اللي فالروضه واحليلهم خخخ ،،

ههههههههه هيه والله ،، أنا مواصله مب حاسه بتعب عادي ههههههه

مروررك الأبدددددداع ،،

ان شاء الله ..


ما عليكم زود نفر نفرررررررررررر ،،

ربي يحفظكم : )|~

[عاشقة القمم]

صج صـآرت ربشـة اليـوم
من مدرسـة الأولـآد للبنـآت عقب الروضـة >> أحلـى حوآطـه
شفنـآ معلمـآتنـآ مـآل أول
وشفنـآ ربيعـآتنـآ
وعن الألحـآن والأنغـآم >> يحليلهـم يغمضـون ،، المشكلـة إن إذآ وآحـد صـآح يصيـح كـل الصـف
بس حتى وهـم يصيحـون حلـويـن هـع >> شريرهـ ،، فديتهـم وآلله أمـووووت ع اليهـآل


أوووهـ جني ظهـرت عن الموضـوع
المهيييـم تصويرج روعــــة وأحلـى شـي صـورهـ البـآص >> تحريتـه بـآص المدرسـة العجيـب هـع



~ْ|[ تسلـم يمنـآج خيتـؤوؤو ]|ْ~

[MiNoOo 87]

عاشقة القمم : )|~

ههههههههه كشخه والله ،، عيل شراتي بس ما سرت صوب مدارس الكبار أنا

كله اليهال هههههههههههههه ،،

هههههههه لا عادي أفا عليييييك : )

مرورررررج الأررررررروع ..

ما عليج زود عالطله الطيبه ..

ربي يحفظج ،،

: )|~

[مختفي]

وعليكم السلام ورحمة الله وبركاته


زين.. زين النشاط على الصبح>> بس مب السهر لهالدرجة!! يا ويلي

صور شروق الشمس ذكرتني بإعلان مجلة ماجد على التلفزيون

هذا العصفور يعني يدلنا أنه الوقت صبح >> الله.. أنا ذكي ههه

مممم ما شاء الله.. شكلج تحنين لأيام المدرسة


شكراً لج أختي MiNoOo 87 على الصور الصباحية الفنتكة

دمت بصحة وسعادة