مرااااااحب
منو فينا ما يحب الكنتاكي ^___^
حلاته زود لا سويتيه بيدج وانتي واثقة كل الثقة من نظافته والمواد الي داخله فيه
لا زيوووت محروقة ولا دياي بايت ناكله ولا محتايين غسيل معدة ان شاء الله ^____^الله يبعد عنا وعنكم كل آذى
الي بنسويه اليوم الكنتاكي العادي بالنكهة الاعتيادية ماله بس الي حابة ايكون الكنتاكي عندها حار اتروم اتظيف بودرة الفلفل الاحمر بالاضافة الي باجي المقادير
خلونا اندش بالمقادير ابسرعه ^___^
الي محتاجينه مثل ما اتشوفون (فخوذ دياي كثر ما تبون-حامض ليمون-ليمون-خل تفاح او خل عادي-ثوم-صلصة الصويا)
اطحن الثوم مقدار 9فصوص كبار
اظيفه عالدياي واوزعه فكل مكان بحيث يتوزع الثوم فكل القطع
اظيف خل التفاح
وظفت الخل العادي بس هذا اختياري واذا اكتفيتي بالتفاح بعد مافي مانع
عقب حامض الليمون
واحينه صلصة الصويا
وآخر شي الليمون
من عقب ما عصرت الليمون ,, افرهم بالطاسة واغطيه بنايلون شفاف واتركه فالثلاجة أقل شي ست ساعات وانا افضل ليلة كاملة عسب الصلصة تتخلل فالدياي ومن اتين تقلينها اتكون القرمشة كبيرة بس انا للأسف ما مداني الوقت لأني كنت صايمة اليوم ويدوب خليته 3ساعات فالثلاجة و الاهل كانوا امأذيني يبون الكنتاكي اليوم عالعشا ^____^
احينه اييب البيض والطحين
اغمس الدياي فالبيض
عقب الطحين
وهالمجموعة كاملة خلصتها
واهنا بعد ما قليتهم ^_____^
مثل ما خبرتكم خلوها أقل شي 6ساعات فالثلاجة عسب يكبر عندكم حجم القرمشة الفوقية للدياي ^___^بس ولا يهمكم حتى جذا لذييييييييييييذة وطعمها ياي على حمووضة ^_____^ما يحتاي فلفل ولا ملح ^_____^
وبالعافية
رد مع اقتباس
