وجهة نظر ..

[بنت آل علي]

السلام عليكم ورحمة الله وبركاته
شحالكم يا اخواني عساكم بخير؟
حبيت اشارك بموضوع اعتقد انه مهم من وجهة نظري ...

ندخل بالموضوع..
نحن كلنا نعرف مراحل الزواج يبدأ بخطبه وعقب ملجة والعرس آخر شي..
سؤالي اللي احب اناقشكم فيه هو شو رايكم فالفتره اللي تكون بين الملجة والعرس البعض يفضل ان تكون الملجة قبل العرس بفتره طويله تمتد لأشهر واحيانا توصل لسنوات..
والبعض الآخر العكس يفضل ان تكون الفتره قصيرة يعني اسبوع او اسبوعين وعقب العرس..

حبيت اعرف وجه نظركم عن الفتره اللي لازم تكون بين الملجة والعرس وليش؟

اتمنى الكل يشارك برايه ونعرف وجهة نظركم ..

[القارب إنكسر]

وعليكم السلام ورحمة الله وبركاته

أول مشاركه لي لازم اتفلسف ههههههه

والله أنا أفضل إنها ما تتعدى الشهر ليش أأخرها كل هاي الفتره ؟

ليش أملج عليها وأخليها فبيت أهلها عشا تعرفني وأعرفها مثلا؟

مأنا ملجت وخلاص
ولا يمكن أنا ما مرتب أموري؟

عيل ليش ملجت؟

ما أعتقد شي فايده من الإنتظار

[السامعيه]

وعليكم السلام ورحمة الله وبركاته

أول مشاركه لي لازم اتفلسف ههههههه

والله أنا أفضل إنها ما تتعدى الشهر ليش أأخرها كل هاي الفتره ؟

ليش أملج عليها وأخليها فبيت أهلها عشا تعرفني وأعرفها مثلا؟

مأنا ملجت وخلاص
ولا يمكن أنا ما مرتب أموري؟

عيل ليش ملجت؟

ما أعتقد شي فايده من الإنتظار

يافيلسوف انت ...انت رجال تلبس كندورتك وغطرتك وعلى طول للعرس.... البنت متى تجهز اذا شهر بس ؟؟؟؟؟ في هالشهر بس بس بتشتري جوتي >>> وايد تبالغين .... المهم لازم يكون في تعارف يعني اذا البنت تناسبك ماتناسبك ؟؟؟ يمكن اخلاقها مب حلو ؟؟؟؟ يمكن لسانها طويل ماتتحملها ؟؟؟لازم تعرفها عدل قبل لايطيح الفاس بالراس.. هذا رايي

[المتميزة]

يشرفني الرد ع موضوعك

فعلا هذه قضية اجتماعية

أرى مرجعها أولا و آخرا للعرف و للعادات و التقاليد



انتشر لدينا

طول فترة بين الملكة و الزواج

حتى تجاوز السنة , بل و أكثر


في رأيي ..

أرى أن ستة أشهر فترة مناسبة لمعرفة الزوجين

بعضهم البعض , و ليتدرب كل من الزوجين ع


واجباته , تتدرب الزوجة عند أهلها الطبخ و ما إلى ذلك ..


و يتعود الزوج ع المسؤولية


أكرر شكري ع تميز مواضيعك


دمت فيي حفظ الرحمن

[بنت آل علي]

الشرف لي طال عمرج
وجهة نظرج ف مكانها لان انا سانعة مختصة تقول ان الحد الاقصى بين الملجة والزواج 6 اشهر وخير البر عاجله تسلمين عالمرور

[بنت آل علي]

انا معاج يا اختي فعلا شهر اعتقد ان شهر فتره وايد قصيرة
شكرا على مرورج

[بنت آل علي]

اشكرك عالمشاركة الجميله

[السامعيه]

اممممممممم انا من رأي اذا ماتعرف المعرس من أساسه... تأخر العرس كم من شهر مب سنوااااات ...بيعجزون خخ.... المهم ليش؟؟ خليهم في البدايه يتعرفون على بعض اكثر يعني سبحان الله احيانا ماتعجبه العروس وهي مايعجبها المعرس ....وكل يوم طايحين ضرابه ...من الحين يتفرقون ولايندمون بعد مايخلفون اولاد .. سبحان الله احيانا مايكون بيناتهم توافق ...

اما اذا في توافق يأخرون العرس كم من شهر العروس تبغي تجهز وكل ها يآخذ وقت .... ذكرتيني بربيعتي ملجت وشهر عرست وشوفي شو كان حالتها طول يوم في السوق وتلخبطت الدنيا عندها وكله كانت تصيييح خخ.... ويوم عرسها كان مرهققققققققققه وبصراحه ندمت وتمنت لو الزمن يرجع لورا وتاخذ وقت اطول ......

[ام الولد]

من وجهة نظري الشخصيه
فترة الملجه حلاتها شهرين أو ثلاث شهور 00فتره كافيه لاختبار الطرفين وتقريبهم ودراستهم لبعض ,لأن اذا طالت الفتره بيكون هناك ملل الا اذا كانت في ظروف تحكم ع هذا الشيء

[بنت آل علي]

اشكرج عالمرور
ويمكن البنت تكون محتاجة لهالفتره عشان تجهز عمرها