روضة الرحمه تطلب 300 درهم من كل طفل روضه

[وجهة نظر فقط]

روضة الرحمه بالرمس التابعه للمنطقه التعليميه برأس الخيمه
أرسلت أوراق بيد أطفال الروضه بدفع مبلغ 300 درهم مقابل تدريس الطفل اللغه الانجليزيه

[Bo 3@bdallah]

- ليش وزارة التربية والتعليم وينها عن الموضوع ؟؟
- هل روضة الرحمه صارت روضه خاصه ؟؟

غريبه والله اذا كان الموضوع صدق ..!!

[ام الولد]

لااله الا الله بس 300 غلطااااانين المفروض 3000عن كل ياهل ليش وين يبون يجلطون الأهالي بهاي الطلبات لأن السالفه بتتكرركل شهر بحجة معاش المعلمه ومن كل طالب اذا كان عدد الصف 20 بيكون 6000درهم يعني من كل صف كم بيحصلون

[شمس الغروب]

يمكن يكون مشروع من مشاريع الروضة ... أعني المشاريع المتميزة المطلوبه من قبل الوزارة ؟؟؟؟؟؟؟؟؟؟؟؟؟

[alrams]

ممم الوزارة وينها .. الروضه تبي تسوي شي ما ينفع يكون تطوع او بدراسه مع وزارة التربية

وبعدها يتم تطبيقه .. وشو نوع الدراسة الي تكلفتها 300 درهم وبتفيد الصغار ..

[الأميره الناعسه]

انا اذكر ع اياام اخويه كان بعد يدفعون ع تعليمهم للكمبيوتر والأنجليزي
بس الله يعلم كم المبلغ ..

اعتقد كانت 100 درهم >< والحينه صارت 300


غريبه ما يحتااي هالزيااده أطفال بعمر الزهور .. >> إلا هيه لغه انجليزيه يالله بحفظ له كم شكل وكلمه ..

الله يستر .. بس هالموضوع نفس ماقلتو يخص وزاره التعليم فياليت يوضحون لنا الأسباب ؟؟

[أم ريم]

أدفع 300 فاتورة كندورة للعيد ألبسها يوم وااااحد عادي ( بالنسبة للذكور) أدفع من 3000 - 10000 حق فستان ( بالنسبة للبنات ) بعد عادي أدفع 200 درهم كل شهر حق بلاك بيري بعد عادي أدفع مئات الآلاف حق سيارة أكيد عاااادي بس أدفع 300 حق تعليم ولدي اللغة الانجليزية سنة كاملة مو عادي ، انتو وين عايشين تبون ادرسون عيالكم شي اضافي و بعد ببلاش و الروضة لما طرشت الأوراق قالت ان تعليم الانجليزي اختياري والي ما يقدر يدفع يدفع بالتقسيط بعد ما راضيييين و المعلمات أكفاء بدرجة ما تتصورونها والله وااايد ناس يبون ينقلون عيالهم لروضة الرحمة و السبب الانجليزي والي ما يعرف ما يتكلم أحسن استوضحوا ثم اتكلموا و ناقشوا .

[سهم]

اول شي يا ام ريم نحن نعرف نقاقش الموضوع ونتكلم فيه لكن في ناس ماعدها ومالها قدره ع الدفع وثاني شي هل الاطفال هم الملزومين يدفعون معاش المدرسه الي بتعلمهم الانجليزي وشو بتعلمهم الحروف او الكلامات البسيطه بس لانهم روضه ولا 300 عشان تعطيهم دورة التوفل

[الشفق الأحمر]

أحنا عندنا يدفع الطالب 1000 درهم حق السنة كاملة منها 200 درهم حق الأنجليزي و500 درهم حق الأكل والباقي حق المشرفة وملابس الروضة وملابس الرياضة والكتب ولا وبعد إذا الأمهات مادفعوا حق الأكل 500درهم ماترضي الناظرة أدخلهم المطعم ألي في الر وضة وتخليهم في الفصل وماتعلمهم آداب الأكل ومايستفيدوا لأن أكثر الأنشطة يسووها حق الطفل في المطعم والأهالي غصب عنهم يدفعوا ليستفيدوا عيالهم معن هناك أهل بسيطين وفقراء بس الواحد شو يقول الله يعين ( روضة النسيم ) في منطقة الغيل

[بو منصور 9]

واايد الصرااحة 300 درهم ..

وين بتروح هالفلوس .. بيشترون فيها كتب والا شو ؟؟ حتى الكتب مب بهالقيمة ..

يعني لو هم بالروضة ..دراستهم ما بتتعدى الحروف a b c d .. ومعلمه الفصل تقدر تعلمهم ال a b c d بدووون دفع ال300