طرقة عمل الكب كيك بالصور

[alreemuae]

طريقة عمل الكب كيك بالصور

السلام عليكم ورحمة الله وبركاته
حياكم المولى
هذا كب كيك روعه وخاصة الخلطة اللي على الويـه



مقادير الكيك:
3 بيضات
كاس وربع سكر
ملعقه صغيرة فانيليا
تخلط جيدا ثم يضاف
نص كاس زيت
ثلاثه ارباع حليب سائل دافئ
ثم يضاف عليها
كاس وثلاثة ارباع الكأس دقيق منخول مع 2 ملعقة صغيرة بيكنج باودر ورشة ملح و3 ملاعق كبيرة كاكاو بودرة
نخلط جيدا ثم يوضع في كيس علشان يسهل لك العمل




ثم نصب في اوراق الكب كيك بعد ما نوضعها في الصينيه



هذا شكل الكيك بعد ما طلع




نتركها تبرد شوي الى ان نسوي الخلطة



الخلطة :
100غرام شكولاته خام
5 ملاعق زبدة
فانيليا
1 وثلث كاس سكر بودرة
2ملعقة شاي شراب الذرة
علبة قشطة
ملعقة كبيرة ماء ساخن
نسيح الشكولاته في حمام مائي



ثم نضيف الزبدة والفانيليا وشراب الذرة والماء الساخن وهذه صورة شراب الذرة للاخوات اللي طلبوا يشوفوه





نضيف السكر وبعدها القشطة ونتركها الى ان تبردتماما امكن ساعتين


ثم نزين بها الكب كيك



بعد ذلك نرشها بالسكر البودرة وتقدم






اتمنى تحوز على اعجابكم

[**عواشه**]

وصفه جميله .......وشكل ألذ

يعطيج العافيه حبوبه عالوصفه الككاويه

[السامعيه]

يم يمي شكله وايد حلو

الله يعطيك العافيه..

[alreemuae]

تسلمين اختــي

السامعيه

و عواشه

ع الردوود نورتو الصفحة بوجودكمـ ..

[مريم الحبسي]

تسلمين فديتج ع الوصفه سويتها وقضوا ع الكاب كيك

[Tota]

ناااااااااااايس ...صدقج احلى شي الطبقة اللي فووووق ...بجربها .....

يعطيج الف عاااافية على الوصفة ....

[^بنت راشد^]

يمي يمي

لـــــتذيذ

انا دايما اسوي كب كيك

والصوص اللي فوق اسوي توفي

بس يبالي اغير شـــوي هع

شكـــرا حــبي ع الــوصفـــهــ

[alreemuae]

مريم الحبسي : اوووونه هه تسلمين اختـــي ع الرد و التطبيق .. يعطيج العااافيــه حبيبتي..

tota : اكيد الطبقه اللي فوق حلوه بالشكل و الطعم اذا بتسوينهاا هه هااع تسلمين حبيبتي ع المرور

بنت راشد : انتــي الالذذ حبووبهـ .. هيي هيي يبالج تغيير و تسلمين اختي ع المروور .. منووره

[مهرة الخاطر]

الحمدالله اعرف اسوي الكب كيك بس طريقة الخلطه عادي انذوبها بالميكرويف
يسلموا حبوبه راح اجرب الخلطه