محل بناتين يشارك في معرض الأم والطفل بإكسبو رأس الخيمه

[Banateen]

السلام عليكم ورحمة الله ...

نحن محل بناتين بإدارة مواطنة نشارك لأول مره في معرض الأم والطفل. لدينا منتجات تركيه وأسعار مناسبه للجميع وهدفنا الأول أن نكسب زبائن خير من المكسب المادي الكبير. الرجاء منكم التكرم بزيارة محلنا في مركز رأس الخيمه للمعارض ودعمكم مطلوب جدا لأننا نحاول أن ننافس الأجانب في السوق ولكن تنقصنا آرائكم وأفكاركم لتطوير تجارتنا البسيطه للأحسن بإذن الله وطبعا تشترون من عندنا. موقع المحل في الصوره المرفقه.

والحاظر يبلغ الغايب.

شكرا جزيلا

[رحلة الايمان]

موفقين ان شا ءلله

ممكن توضيح لبعض النقاط :.

* موقع معرض اكسبوا تحديدا للقادمين لراس الخيمه
* مواعيد الدخول / وتاريخ انتهاء المعرض

[Banateen]

شكرا جزيلا لك أخي ..

يقع مركز رأس الخيمه للمعارض في منطقة النخيل بعد فندق الهيلتون .. التفاصيل: وإنت داخل رأس الخيمه من خلال شارع الإمارات خلك على الشارع على طول بتقابلك أول إشارة وبيكون على يمينك كنتاكي خلك ماشي على طول بعد الإشارة لحد ما توصل دوار الساعه .. قبل دوار الساعه بشوي تاخذ يمين وخلك ماشي لين ما توصل إشارة ثانيه .. وبعدها خلك ماشي بعد على طول بيجيك دوار صغير وعدي الدوار بتكون على شارع الجولف وبيكون على يمينك مركز رأس الخيمه الجديد "RAK MALL" خلك ماشي لين ما توصل إشارة ثالثه خلك على جهة اليسار.. خذ يسار بعد الإشارة وخلك ماشي بتشوف مركز المنار على يسارك وإنت ماشي .. خلك على الدرب لين الإشارة الرابعه وعديها .. وإنت ماشي بتشوف مركز اللولو على يمينك إنت خلك على اليسار بتجيك إشاره وبعد الإشارة خذ يسار وخلك ماشي لين الإشارة الأخيره في هذي المرحله بيكون مركز المعارض جدامك ..

إنشاء الله ما تهت

مواعيد الدخول من الساعه الخامسه مساء لغاية الساعه الحادية عشر ليلا

والمعرض ينتهي بتاريخ 31 - 12 أي يوم الجمعه من هذى الإسبوع

[Banateen]

عرض خاص من محل بناتيـــن

إشتري 3 بيجامات تركية وما
فوق بسعرالجمله !

زورووونا في مركز رأس الخيمه للمعارض

إنشروها جزاكم الله خير

نحن أولى من الغريب

[Banateen]

طلع علينا إيجار المكان أغلى من بيع السوق

حياااااكم صوبنا ولا صوب غيرنا

[elesy80]

عندكم محل في راس الخيمة ..وين موقعة بالضبط ؟؟؟؟؟؟؟؟؟

[شمس الامارااات]

ييت عندكم وشفت البضاعه حلوه ^^
موفقين ان شا الله