ليت الشـوارع تجمع أثنين صدفه

[The Special One.]

قصيده للمخضرم بدر بن عبد المحسن

اختصرتها منعاً للإطاله



يطـيـح جـفـن اللـيـل واهــز كتـفـه
يفـز نجـم ، وباقـي الليـل مطـفـي

واحاكي الجـدران عـن مثـل غرفـه
ماتشبـه الجـدارن ويطـول وصـفـي

ليت الشـوارع تجمـع اثنيـن صدفـه
لا صـار شـبـاك المواعـيـد مجـفـي

ريـحٍ تهـب وتسكـن العظـم رجـفـه
وتمـوت ريـح وتسكـن اوراق نزفـي

ياطـاري الغـدران ، والعمـر رشـفـه
مـع قلّـهـا ، ياليتـهـا يـيـوم تصـفـي

الحـب واجــد مـيـر الأقــدار صلـفـه
والارض واجـد لكـن الـعـزم منـفـي

ماهـو حبيبـي مـورد القلـب حتفـه
ولاهو حبيبي يفرح بوقـت ضعفـي

هــذا وتّـــو الـلـيـل مـــاراح نـصـفـه
ياليل بعض اللي مضى منك يكفي

[رذاذ عبدالله]

ليت الشـوارع تجمـع اثنيـن صدفـه
لا صـار شـبـاك المواعـيـد مجـفـي

انتقاء شعــري رائع،،
لقلبك أنفاس الياسمين على هذا الختيار الرائع،،

[The Special One.]

ردودك تحملني مسؤوليه اكبر في إنتقاء ابيات شعريه اروع من ذي قبل

شكـرا على المرور وقضاء وقتك بين اختياراتي الشعريه

ورده بيضاء لروحتك النقيه

[نمله كاشخة]

والله قصيده حلوة والاحلا هذا البيت إللي أعتقد الناس كلها تتمنى هذا الشي
علشان تجتمع من ناس فرقهم الظروف ولا المشاكل ولا أشياء سخيفه مالها معني
بس حزت في الخاااااااطر
ليت الشـوارع تجمـع اثنيـن صدفـه
لا صـار شـبـاك المواعـيـد مجـفـي
آمين