لو تفرق بيننا سود الليالي

[الأميرة الحسناء]

لو تفرق بيننا سود الليالي

لو تفرق بيننا سود الليالي لو يحول الدهر وصروف السنينا
لا حشا منساك لو طال المطالي ف الحشا مطبوع رسمك يالضنينا

انته عمري يالغلى من كل غالي وانت شوقي يامنا قلبي الحزينا
العمر يفداك مع حالي ومالي في هواك يهون كل صعب مهينا

لو جفوني الناس واقرب الاهالي ماستمع قول الحسود الواشينا
حيث قصرك فالحشا شامخ وعالي ساكن ودك بقلبي مستكينا

ياغناتي ياشقا قلبي وحالي يادوايه وبلسم الجرح الدفينا
ياغزال مرتعه روس المفالي ياقمر وضاح في نوره يبينا

عالوفا باقي وعنك هوبسالي لك عهد والعهد عندي مايشينا
لاتظن انساك يالغالي محالي لين روحي والعمر عندي يحينا

لين جسمي يندفن تحت الرمالي وارتحل من دنيتي واصبح دفينا
لك سلامي يالضنا ختم المقالي عد ما نسنس هوا الغربي فينا

تحياتـــــــــي الاميره الحسناء..

[رآقـي]

تسلم ايدينج اختي "الأميرة الحسنـآء"

صـح لسـآنج ع الأبيات

بسميج "شـآعـرتنـآ الحسنــآء"

ربي يوفقج .. عساج ع القــوة اختي

دمتــي بصحــة وعـآفيــة