للحرم عزمت على الروحه الوله هل الدمع ساحة يوم ريت النفس مجروحه =)
أنا والله ما ودي ياربي افارق أرض الطيبة
ولكن حكمـة الأزمان يعود المسافر لأرضه !
السلام عليكم ورحمه الله وبركاته
مســائكم ..// صبــآآحكم فل وياسمين
الحمد لله والصلاة والسلام على رسول الله صلى الله عليه وسلم وبعد....
فقد استعنت بالله وتوكلت عليه ونويت السفر الى الرحاب المطهرة والاراضي المقدسة لاداء فريضة العمرة..
واردت عرض تفاصيل هذه السفرة المباركة عليكم لعلها تكون ذات فائدة ونفع والله من وراء القصد.
بداية اود ان أشكر الله سبحانه وتعالى و باباتي وأخوي فديتهم والله على هالمفاجآة والسفرة اللي كآآن صدق خآآطري فيهآآ من زمآآآآآآن ..
في البدايه كانت الوجهه إلى مطار الشارقة الدولي يوم 23-1-2011 الاقلاع الساعه 3م
للاسف صوورت واايد صوور يوم كنا في الجو بس للاسفكيمرتي انكسرت
اول ما وصلنا مطار الملك عبدالعزيز في المدينة المنورة ..<< الله يسامحهم الدفاشة ..الحمممدلله اني يايبه كاميرا ثانيه احتياط
..
في المدينة المنورة سكنا في فندق (( بهاء الدين ))
وصلنا عالمغرب والحمدلله لحقنا انصلي صلاة المغرب في المسجد النبوي وتميينا لين العشا
وعقبهآآ دخلنآ الروضـة <وتدرون بعد ممنووع التصوير ..
بس الحمدلله كآآن راحــه نفسيـة
في اليوم الثاني بديييت اصوور
عقب ماخلصنآ صلاة الفير طبعا تمينآ فالحرم وماظهرنا إلا الساعه 9 ونص تدرون بعد لازم نصلي الشروق ونسير الروضة وعقبهآ نصلي الضحـى ..
وعقب ماظهرنآآ شفت الجو طرطريشن وقلت لازم أصوور لكم ^^
بصرآآحـهـ جو المدينـة المنوورة .. روووعه برررد وغيووم =)
صور المظلات
وطبعا اهني كنا بناخذ حق ماماتي هديه بس الذهب كان واايد مرتفع واسعارها من 10.000 وفوووق بس عن خااطري صوورته
عآآد انا حاشرتنهم خآآطري في دونآت من الصبح ..أووونه ابا ريووقي دونآآت.. من بيت الدوناات .. بصرررررراحه يم يممممي ..=)
ونصهم طلبوا كروسوون جبن
لذيييييييييييييذ
طبعاا من نسيتكم .. كل واحد يختار هديته << محد يضارب ><
للعشاااق سبوندي بوب <<إهــدآآآآآآآآء
ياااحليلهم القطآآووة
ميتين برررد ..
كسروا خآآطري ..
وهذا ريوقي في اليوم الثاني
شكشوكة ..<< بيض وطماط ههه
طعمه يميييييييييي خبآآآل..
والحين ووقت الغداء ..
والغداء ما يحللللى بدوون روووب..
واحلللى شئ فالرووب انه منزوع الدسم ههه
مب قليل الدسم <<شرات اللي عندنا..
خخخخ
ادري اني بديت وآآيد اتفلسف لوول ^^
وفي اليوم الثاني قررنا نسير الزيارات إلى
1) مسجد قبآء
2) جبل أحد
3) مسجد القبلتين <<بس اهني ممنوع التصوير
وإلـى بععععض الصـور من
*مسجد قبآآء..
وطبعا هايلا الحريييييم الي يبيعون بررررررع
طبعاا هذا المسابيح هديه حق الاعضااء بالمنتدى ^^
طبعآ يبتهـ لكمـ عشآن اكسب من وراكم أجر ..
لاتنسوون تستغفرون وتذكرون الله وتصلون عالنبي ..
أختارووا اي مصبآآح يعيبكم ..
تستاهلـووون ..
لاتصدقوون أعماركم وآآيد لوولز^^
بعض الصور من
* جبل أحد
مقبرة حمزة
ويوم الاربعآء طبعآآ تآريخ 26-1-2011 قررنآ نسير مكة المكرمة ان شاء الله ..
وقبل لا نسير مكـة لازم نمر الميقآآت ..
صلينآ العصصر وحركنآآ ..
اهني يوووم كنا فالدرررب سايرين مكة طبعا الدريول وقف عند المحطة بينزل يصلي وانا شفت هالسياير وقلت بصووور لكم^^
أدري بتقولون ماخلت شي ما صوورتهـ لوول
والساعه 4 ونص كملنآ الوجهـهـ إلى مكـه المكرمة
وفالدرب طآآآآح مطرررر
ياسلالالالالام كآآن الجو رووووعه ماشاء الله
والحمدلله رب العالمين وصلنا مكة المكرمة الساعه 7 ونص مـساءا ..
الحمدلله تيسرت الامور هنآك وصلنآ عطول فندق دآر الايمــآن ورتبنآآ اغرآآضنآآ وعطوول سرنآآ الحرررم عشآآن نعتمــر
يعني طفنآآ ع الساعه 9 ليــن 11..
وبعدهآآ كآآن فخآآطري في أيس كريم ..
وسرناا تعشينا ايس كريم وردينآ السكن سبحنآآ وعطووول رقآآآآآآآآآآآآآآآآآآآآآآآد من التعب نشينآ الساعه 4 ونص صبآحآ بتوقيت السعودية
وعقبهآآ ع طوول سرنآآ الحرررم
وبعد ماخلصنآآ صلاة ..
صووورت لكم تدروون بعد انا 24 ساعه مآخذة فوني ويااي عسب أصوور لكم ^^
داخل الحرم .. << اجواء رائــعه
وهذي اكبر ساعه المتواجده في مكة المكرمة ...
وهذا ريوقي ف الفندق ..
يتبــع !!
رد مع اقتباس
..
المشاركة الأصلية كتبت بواسطة عشِـِـِقـِـِـۓ الرمـِـِس
الله كرررررررريم ..
