شحالكم يا عرب؟؟...
ما بطول عليكم
تعالوا نقارن بين استيشنات الشباب و البنات اول شي استيشنات الشباب .... السبير فوق
لكن البنت تبى شي دلوع السبير تحت
الشباب اتحصل استيشناتهم جير عادي لا و جير 1 مكسور مسكين كان ايداعس و بدال ما ايركبه ف 3 رده واحد من العيله اللي فيه
البنت طبعا ما اتعرف للجير العادي ولا تبى تتعلم ما فيها ع الكلج مسكينه ف عندها جير تماتيك
تعال شوف البترول طبعا التانكي الصغير مفضي عند الشباب و العود شويه فوق الإي تقوله ليش ايقولك احسن عشان اخف الوزن يمكن اداعس ويا حد
لكن البنت عيب مب التانكيين فل مسكينه افرض طلعت و خلص البترول
الشباب اتحصلهم امركبين تواير 900 لا و مسحته رايحه ف عينها التواير ههه و منزلين الموتر و لا رافعينه
لكن البنت اتحصلها بتواير الوكاله و رنجات الوكاله 17
الشباب مره اتحصل موترهم بمخفي و مره بدون مخفي .....عشان ايغيرون شكل الموتر صالخين عمارهم من الحر
لكن البنت مخفيها قوي مسكينه اتخاف ع بشرتها ما يستوي اتحطي فير آند لفلي و اتعرض عمرها للشمس يعني ما سوت شي و بعدين يوم بتشوف حد عنده رنج مثلا بتنزل الجامه نص و بطلع شعرها بس بتعب راعي الرنج
استيشن الشباب اتحصله و هو طايف ايقول بغغغ اتقول موستنج عنده الحبيب
لكن البنت تبى هدوء من تسمع حس ف الموتر على طول اتوديه لاخوها ولا ابوها ولا ريلها
الشباب اذا حصلت موترهم خربان و طايح ف الوكاله اعرف ان الاستيشن بعده ع الضمان ولا من ايخلص الضمان ايخسي ايطب الوكاله ....عيل مصفح حق منو مسوينها؟؟
لكن البنت لا منو ايقول لو حتى الليت اخترب على طول الوكاله
تعالوا انسير داخل الموتر
الشباب بتحصل ف دبة استيشناتهم كناديرهم و غترهم و نعلتهم عزكم الله
اما البنت بتحصلها حاطه دباديب و ورود و عطور بعدها ما استعملتهن و كلهن ماركات و من باريس جلري
الثلاجه ههه
طبعا الشباب ولا جنه عندهم ثلاجه كلها سكاريب و ليتات تشتغل ببطارية السياره عشان الفلتر يمكن ايطيح ولا شي و عقب يتوهق؟؟... لا.... فج البونيت و عدل بروحك
البنت ثلاجتها كلها متروسه سنكرس و جلكسي و مارس و عصير و مدلعه عمرها:girl:
ههه سدة استيشنات الشباب ههه ما انصحكم تفتحونها كلها استكرات ولا دهن عود منجب من 7 شهور الحبيب ناسي يغسله و بتحصل براغي و هالسوالف و اذا اطور اشوي بتحصل عنده جحال الحبيب يمكن ايواعد ما يحتاي يرد البيت عشان يتجحل
البنات تعب بتحصل عندها المكياج و هالسوالف ف السده اتعرفون بعد يمكن واعدت ترد البيت عشان المكياج لا ما يستوي تروح لصحيبها بدون مكياج ههه بيتروع مسكين ما بيبات الليل ف عدتها ف السياره
المنظره اللي ف النص اللي تراويك السيايير اللي وراك مال الشباب بتحصل معلق عليها سجين ولا جمجمه ولا عظمه يعني شي ايسبب الرعب
البنت بتحصلها معلقه قلب ولا دبدوب صغير و بتحصلها حاطه صورة بنت اخوها الصغيره ولا ولد اختها يعني حد من صغارية البيت
ههه تبى اتعرف شو اشرطة الشباب و شو يسمعون بتحصل عندهم ميحد و بن روغه امسرع و خالد عبدالرحمن ومحمد عبده و بوبكر و اغاني كسرات و هييل اللي ايلوعون الجبد
البنات طبعا ما يسمعن هالاشكال بتحصل عندها راشد الماجد و عبدالمجيد و نوال الكويتيه و حميد سلمان مال نجوم الخليج طبعا هذا حبيبها و كانت اتصوت له الشباب مازرين الطبلون ستكرات...ما يهزك ريح...و cops و هجوله و غيره و غيره الحبايب يتحسبون عندهم جيتي
اما البنت بتحصلها فارشه شي ع الطبلون و لا ايكون احمر ولا وردي
آخر شي الشباب احسن من البنات ف شي واحد بس و اللي هو انك بتحصل استيشناتهم امغسله و نظيفه و امبلس توايره الحبيب
اما البنت ههه الله يعينها بمبرها اللي ورا مكسور مسكينه اخوها كان شال الموتر ف الليل و بركنه غلط و يوم يت تبى اطلع الموتر ما قدرت وردت ع النخله ريوس طبعا هي مب غلطانه لا اخوها ما ايعرف ايبركن و بتحصل موترها في 67 صبغه مسكينه هاك اليوم واحد لاف عليها (ومن هناك هي لافه ع الريال ) و لا مره كانت امطلعه الموتر من البيت و شحفت الباب مب منها بيتهم ضيج و ما فيه مكان ولا هي اتعرف اتسوق
الموضوع منقول مع بعض التعديلات و الاضافات
رد مع اقتباس
