دخل على زوجته وهي مشغولة بالبيت وناداها
هو :عويش
هي : نعم
هو : تعالي لوسمحتي
هي : شو عندك؟؟
هو : قلتلج تعالي
هي : ياحبيبي مشغوله قاعده اكوي ملابسك
هو : أتركي الكوي وتعالي
هي : حاضر
ثواني وجت بلبس روعه، وريحتها اروع وابتسامتها على ويهها
هي :امرني حبيبي
طالعها وع ويهه ابتسامه صفرا
وقال : أنا تزوجت عليج !!
قعدت على الكرسي وهي اتطالعه
وقالت بصوت يرتجف : شو قلت ؟
هو : قلت أنا تزوجت عليج ويالله قومي خذي ثيابج وروحي لبيت اهلج لأني بسافر انا وزوجتي الثانيه كم يوم شهر عسل
نظرت إليه وحبست دموعها بعيونها وهي مصدقه ومش مصدقه قلبها يرتجف واطرافها ترتعش
قالت حرام عليك شو سويتلك بشو زعلتك شو منقصه عليك
وبدون سابق انذار هب في وجهها
وقال: قومي وحطي ملابسك في الشنطه ويالله انا اترياج بالسياره لاتتأخرين علي
.........
طلع وهي جمدانه و مبققه عيونها دهشه من الخبر وحيره من اسبابه !!
دقايق معدوده وهي تفتح الباب وتركب معه
وبصوت يكاد يختنق
قالت : لو سمحت ممكن تجيب الشنطه ؟
نزل من سيارته واخذ شنطتها وحطها بالمقعد الخلفي ..... شغل السياره وتوجه لبيت اهلها
بعد شوي وصلوا لبيت اهلها
وقالها تفضلي انزلي .....
فتحت الباب ونزل قبلها واخذ الشنطه واجا من عند بابها ومسك يدها
وقال لها حبيبتي أنا ما اتزوجت عليج بس أمج ماتت
هي بدون شعور قالت :
صج حبيبي ... الحمد لله
رد مع اقتباس
!
