الرمس
السلام عليكم و رحمة الله و بركاته.............
بما إني واحد من ابناء منطقة الرمس الحبيبة ،أقدم لكم قصيدة كتبتها ف الرمس و اهلها الكرام.
واتمنى من القصيدة ان تنال على اعجابكم..........
ألا يافكري اللي كل ما جيته و حيانــــــــــي
أبي منك بيوت(ن) تطرب السامع خياليــــــه
أبيها بالمدح تمدح من إحساسي و وجداني
أبتفنن و كلن فالهوى أبدع جماليــــــــــــــه
و هالمره بدار(ن) حايزه أشكال و الوانــــــي
ومسكنها ترى فقلوبنا فطره إلهيــــــــــــــه
ألا يالرمس يادار الفخر و العز و الشانـــــــي
مدينة شامخة شروى جبال(ن) فالشماليــه
يادانة فالوسط مابين بحر و بين بستانــــــي
ألا يالله تحفظها ياعالم كل مخفيـــــــــــــــه
أهلها فالكرم بحر(ن) يفيض بلول مرجانــــي
و فالطيبه مثل ورد(ن) ينيع(ن) فاح شاذيــــه
وفي بيد الوغى فرسان خياله و شجعانـــي
على يد(ن) تحلو بالتعاون ماش فرقيـــــــــه
طلبتك ياإله الكون ترسل سحب و امزانـــي
و تسقيها بودق(ن) فيه خير و فيه نفعيـــــه
و تزهى أرضنا و تنبت بكل صنف(ن) و تزداني
و يصبح جوها جو(ن) عليلي فيه حنيــــــــــه
يكفي بأنها من دار زايد رمز الايمانــــــــــــي
يعل روحه تطير ابجنة الفردوس مرضيــــــــه
.................
.................
.................
سوالم
مع تحيات ////////////أحمد عبيد شلشول( جــــــــــــــامـــــــــع القلــــــوب)
رد مع اقتباس
